ભારતના આ ટોચના ક્રિકેટરના ઘર પર થયો હુમલો, ત્રણ આરોપીની ધરપકડ

જણાવવામાં આવી રહ્યું છે કે એ લોકોએ શમીના અપાર્ટમેંટ પર હુમલો કર્યો હતો. મેનેજરનો કોલર પકડી તેની સાથે ખરાબ વર્તન કરી મારપીટ કરી હતી. શમી અને તેની પત્નિએ આ મામલે પોલીસમાં ફરિયાદ કરતા ત્રણ આરોપીઓ સામે ફરીયાદ દાખલ કરવામાં આવી છે. પોલીસે કાર્યવાહી કરતા ત્રણ લોકોની ધરપકડ કરી છે.

ઉલ્લેખનિય છે કે આ પહેલા શમી સોશ્યલ મીડિયા પર પોતાની પત્નિની તસવીરો શેર કરીને ચર્ચામાં આવ્યો હતો. આ મામલે બબાલ થઈ હતી.

જાણકારી મુજબ, કોલકતાના કાટજુ નગરમાં રહેતા ક્રિકેટર શમી પોતાની પત્નિ સાથે કારમાં ઘર તરફ જઈ રહ્યો હતો. એ દરમયિાન રસ્તામાં ઉભેલા એક શખ્સ સાથે તેની કારના ડ્રાઈવર અને આરોપીને તકરાર થઈ હતી. શમીએ વચ્ચે-વચ્ચે બચાવ કર્યો અને પોતાના ઘરે પરત ફર્યો. પરંતુ થોડીવાર બાદ આરોપી કેટલાક લોકો સાથે આવ્યો હતો.

કોલકાતા: ભારતીય ક્રિકેટર મોહમ્મદ શમી સાથે ખરાબ વ્યવહાર અને તેના ફ્લેટ પર હુમલો કરવાની ઘટના સામે આવી છે. આ સંબંધે શમીએ કોલકતાના જાદવપુર પોલીસ સ્ટેશનમાં ત્રણ લોકો સામે ફરીયાદ દાખલ કરી છે. ત્યારબાદ પોલીસે કાર્યવાહી કરતા ત્રણ લોકોની ધરપકડ કરી છે. આ મામલે પોલીસ તપાસ કરી રહી છે.