IPLમાં નથી મળ્યો કોઈ ખરીદદાર, હવે બીજા દેશમાં રમવા જશે આ ખેલાડી

નવી દિલ્લી: ભારતીય ટેસ્ટ ટીમના ફાસ્ટ બોલર ઈશાંત શર્માને ઈન્ડિયન પ્રીમિયર લીગની હરાજીમાં કોઈ ખરીદદાર મળ્યો નથી તેથી હવે તે ટીમના સાથી ખેલાડી ચેતેશ્વર પુજારાની જેમ ઈંગ્લિશ કાઉન્ટી ટીમ સસેક્સ માટે રમવા તૈયાર છે.

સસેક્સ માટે ક્રિકેટ નિદેશક કીથ ગ્રીનફીલ્ડે કહ્યું કે, તેની સેવાઓ અમારા માટે મહત્વની છે. જોફ્રા આર્ચર અને ક્રિસ જોર્ડનની આઈપીએલ હરાજીમાં પસંદગી થઈ ગઈ છે. તેથી અમારા માટે આંતરરાષ્ટ્રીય સ્તરના અનુભવી ફાસ્ટ બોલરને સામેલ કરવું ખૂબજ જરૂરી હતું.

ઈશાંત કાઉન્ટી ટીમ માટે પાંચ પ્રથમ શ્રેણી અને આઠ લિસ્ટ એ મેચ રમશે. કાઉન્ટીની અધિકારીક વેબસાઈટ અનુસાર ઈશાંત બીસીસીઆઈ પાસેથી ઓફિસીયલ મંજૂરીની રાહ જોઈ રહ્યો છે.ઈશાંત પ્રથમ વખત કાઉન્ટી ક્રિકેટ રમશે.

કાઉન્ટી ટીમને ઈશાંતની સેવાઓ 4 એપ્રીલ થી 4 જૂન સુધી બે મહિના મળશે. ઈશાંતે કાઉન્ટીની વેબસાઈટને કહ્યું કે હું સસેક્સનો વિશેષ આભર માનું છું જેમણે મારા પ્રદર્શનને ધ્યાનમાં રાખીને મને આ ભૂમિકા માટે યોગ્ય સમજ્યો. અને આશા છે કે આ સત્રમાં સસેક્સ પરિવાર માટે સારું પ્રદર્શન કરીશ.