નવી દિલ્હીઃ ટીમ ઇન્ડિયના સ્ટાર ઓલરાઉન્ડર હાર્દિક પંડ્યાએ પોતાની એક જૂની તસવીર ઇન્સ્ટાગ્રામ પર શેર કરી છે. આ તસવીરમાં તે વાઈટ ટીશર્ટ પહેરીને એક ટ્રકમાં સવાર છે અને તે કોઈ મેચ માટે આ મુસાફરી કરી રહ્યા છે. આ તસવીરના કેપ્શનમાં હાર્દિક પંડ્યાએલખ્યું છે કે, એ દિવસોમાં લોકલ ક્રિકેટ મેચ રમવા માટે ટ્રકથી મુસાફરી કરતો હતો અને હું તેમાંથી ઘણું શીખ્યો છું. પંડ્યાની આ તસવીર સોશિયલ મીડિયા પર ખૂબ વાયરલ થઈ રહી છે.

ઇન્સ્ટાગ્રામ પર આ તસવીર પોસ્ટ કરતાં પંડ્યાએ પોતાના જૂના દિવસ યાદ કર્યા છે. તેણે આ તસવીર સાથે લખ્યું, આ એ દિવસોની તસવીર છે જ્યારે હું સ્થાનિક મેચ રમવા માટે ટ્રકમાં મુસાફરી કરતો હતો. તેનાથી હં જીવનમાં ઘણું શીખ્યો છું. આ અત્યાર સુધીનો શાનદાર પ્રવાસ રહ્યો છે. કદાચ નરક જેવો, પરંતુ હું આ રમતને ખૂબ પ્રેમ કરું છું.


પંડ્યાએ આ કેપ્શનમાં લવ, પોઝિટિવિટી અને ડ્રીમકમટ્રૂ જેવા હેશટેગનો ઉપયોગ કર્યો છે. પંડ્યાની આ તસવીરે સોશિયલ મીડિયા પર જબરદસ્ત વાયરલ થઈ છે. આપને જણાવી દઈએ કે પંડ્યા હાલ સાઉથ આફ્રિકા વિરુદ્ધ ટી20 સિરીઝ રમવા ટીમ ઇન્ડિયામાં સામેલ છે.