કોહલીએ મેચ બાદ કહ્યું કે, “વિજય શંકરે બોલિંગ સ્ટમ્પ ટૂ સ્ટમ્પ કરી અને આ ફોર્મ્યૂલા પણ કામ આવી. રોહિત સાથે વાત કરવી હંમેશા સારું રહે છે. ધોની તો સાથે હોય જ છે. અમે બોલરો સાથે પણ વાત કરતા હોઈએ છીએ. તે બધા એક જેવું વિચારતા હોય છે. બુમરાહે જે રીતે એક ઓવરમાં બે વિકેટ ઝડપી અને મેચમાં અમારી વાપસી કરાવી જે શાનદાર રહી. બુમરાહ એક ચેમ્પિયન છે અને તેના આપણી ટીમમાં રહેવાથી ખૂબ જ ખુશ છું.”
બુમરાહે મેચમાં 10 ઓવરમાં 29 રન આપીને એક જ ઓવરમાં બે વિકેટ ઝડપી હતી. ભારતે પ્રથમ બેટિંગ કરતાં 48.2 ઓવરમાં 250 રનમાં ઓલઆુટ થઈ ગઈ હતી અને બાદમાં ઓસ્ટ્રેલિયાએ 49.3 ઓવરમાં 242 રનમાં જ ઓલ આઉટ થઈ ગયું હતું.