ગત વર્ષે નવેમ્બરમાં વેસ્ટ ઈન્ડિઝ સામે ટી-20 ઈન્ટરનેશલમાં ડેબ્યૂ કરનારા કૃણાલે અત્યાર સુધીમાં 11 મેચમાં 11 વિકેટ લેવાની સાથે પાંચ ઈનિંગમાં 23ની સરેરાશથી 70 રન ફટકાર્યાછે. કૃણાલે કહ્યું, હું કોહલી પાસેથી સતત સારું પ્રદર્શન કેવી રીતે કરી શકાય તે શીખવા માંગીશ. તે દરેક ફોર્મેટમાં શાનદાર દેખાવ કરી રહ્યો છે. દરેક મેચમાં તે શૂન્યથી શરૂઆત કરે છે અને બાદમાં ઘણા રન બનાવે છે અને ટીમને જીત અપાવે છે.
ધોની અંગે કહ્યું માહીભાઈનો જેવો ફિનિશર ભારતીય ક્રિકેટના ઈતિહાસમાં કોઈ થયો નથી. મારા હિસાબે તો વર્લ્ડ ક્રિકેટમાં આવું કોઈ નથી કરી રહ્યું. તેણે સતત આમ કરીને દેખાડ્યું છે. મને લાગે છે કે તેની પાસે ધૈર્ય છે અને પરિસ્થિતિ મુજબ રમવાની ક્ષમતા છે. હું માહી ભાઈ અને વિરાટ પાસેથી આ બંને ચીજો શીખવાનો પ્રયત્ન કરીશ.