ઝહિર ખાને ‘ચક દે ગર્લ’ સાગરિકા સાથે કરી લીધી સગાઈ, ટ્વિટ કરી તસવીર

ઝહીરની પાર્ટનર સાગરિકા શાહરૂખ ખાનની ફિલ્મ ચક દે ઈન્ડિયાથી ફેમસ થઈ હતી. આ ફિલ્મ બાદ સાગરિકાને ચક દે ગર્લ તરીકે ઓળખવામાં આવતી હતી. ડો કે સાગરિરા પણ સ્પોર્ટ્સ સાથે સંકળાયેલી છે. ફિલ્મોમાં આવતા પહેલા તે એથ્લિટ હતી. સાગરિકા અત્યાર સુધી 5 હિન્દી, એક મરાઠી અને એક પંજાબી ફિલ્મમાં કામ કરી ચૂકી છે.

મુંબઈ: આઈપીએલમાં દિલ્હી ડેરડેવિલ્સના કેપ્ટન અને સ્ટાર ક્રિકેટર ઝહીર ખાને બોલિવૂડ એક્ટ્રેસ સાગરિકા ઘાટગે સાથે સગાઈ કરી લીધી છે. ઝહીર ખાને સોશિયલ મીડિયા પર એક ફોટો શેર કરતા પોતાના ફેંસને આ સમાચાર આપ્યા હતા.

ઝહીર અને સાગરિકાના ડેટિંગની જાણ ફેંસ અને મીડિયાને ત્યારે થઈ જ્યારે તે બંને યુવરાજ સિંહના લગ્નનાં પહેલીવાર સાથે દેખાયા હતા.

પૂર્વ ક્રિકેટર બિશન સિંહ બેદીના દીકરા અને બોલિવૂડ એક્ટર અંગદ બેદીએ આ બંનેની મુલાકાત કરાવી હોવાનું માનવામાં આવે છે. જે બાદ બંને એકબીજાને ડેટ કરતા હતા.

ઝહીરે આ ફોટોની સાથે લખ્યું, “તમારી વાઈફની ચોઈસ પર હસો નહીં, કારણકે તમે પણ તેની ચોઈસ છો. પાર્ટનર્સ ફોર લાઈફ.” ઝહીર અને સાગરિગા આ જ વર્ષના અંત સુધીમાં લગ્ન કરી લેશે.