મુંબઈની ટીમે પંજાબા સામે ધીમી ઓવર-રેટથી બોલિંગ કરી હતી. રેફરીએ રોહિત શર્માને 12 લાખનો દંડ ફટકાર્યો હતો. આઈપીએલ અનુસાર આ સીઝનનો કોઈ ટીમનો સ્લો ઓવર રેટનો પ્રમથ મામલો છે જેના પર મેચ રેફરીએ કાર્યવાહી કરી હોય. રોહિત સામે આઈપીએલના કોડ ઓફ કંડક્ટ અંતર્ગત આ કાર્યવાહી કરવામાં આવી હતી.
કિંગ્સે ઇલેવન પંજાબે મુંબઈ ઇન્ડિયન્સને 8 વિકેટે હરાવ્યું હતું. મુંબઈ ઈન્ડિયન્સે મેચ જીતવા આપેલા 177 રનના લક્ષ્યાંકને કિંગ્સ ઇલેવન પંજાબે 18.4 ઓવરમાં હાંસલ કરી લીધો હતો. લોકેશ રાહુલ 57 બોલમાં 71 રન બનાવી નોટ આઉટ રહ્યો હતો.
મુંબઈ તરફથી ડીકોકે 39 બોલમાં 60 તથા રોહિત શર્માએ 19 બોલમાં 32 રન બનાવ્યા હતા. હાર્દિક પંડ્યાએ 19 બોલમાં 31 રનનું યોગદાન આપ્યું હતું.