રોહિત પ્રેક્ટિસ દરમિયાન ઈજાગ્રસ્ત થયો હતો. જોકે આ ઇજા ગંભીર નથી પણ વધારે સ્થિતિ ન બગડે તે માટે તેને આરામ આપવામાં આવ્યો છે. રોહિતના સ્થાને સિદ્ધેશ લાડનો ટીમમાં સમાવેશ કરાયો હતો.
ઈજાના કારણે રોહિત શર્મા 2011 પછી પ્રથમ વખત મુંબઈ ઇન્ડિયન્સ તરફથી રમવા ઉતર્યો ન હતો. રોહિત શર્મા છેલ્લા 8 વર્ષમાં મુંબઈ ઇન્ડિયન્સ માટે સતત 133 મેચ રમ્યો છે. તે આઈપીએલના ઇતિહાસમાં બીજી વખત પ્લેઇંગ ઇલેવનમાં સામેલ થયો નથી. આ પહેલા 2008માં ડેક્કન ચાર્જસે તેને આરામ આપ્યો હતો.
સતત 133 મેચ રમવાના સફરનો અંત આવતા રોહિત શર્મા ચેન્નાઈ સુપરકિંગ્સના સુરૈશ રૈનાના રેકોર્ડને તોડવાથી વંચિત રહ્યો હતો. રૈનાના નામે સતત 134 મેચ રમવાનો રેકોર્ડ છે. વિરાટ કોહલી આરસીબી તરફથી સતત 129 મેચ રમ્યો છે.