David Warner Viral Video: દિલ્લી કેપિટલ્સના બેટ્સમેન ડેવિડ વોર્નર પરથી હજી સુધી સુપરહિટ ફિલ્મ પુષ્પાનો નશો નથી ઉતર્યો. એક વાર ફરીથી વોર્નર પુષ્પા ફિલ્મના સુપરહિટ સોન્ગ "શ્રીવલ્લી" પર ડાન્સ કરતો દેખાયો છે. મહત્વની વાત તો એ છે કે, આ વખતે ડેવિડ વોર્નરે કોલકાતા નાઈટ રાઈડર્સ સામે રમાયેલી મેચ વખતે શ્રીવલ્લી ગીત પર ડાન્સ કર્યો હતો. વોર્નરનો આ વીડિયો સોશિયલ મીડિયા પર ખુબ જ વાયરલ થઈ રહ્યો છે.
આ વીડિયોને ડેવિડ વોર્નરે પોતાના ઈન્સ્ટાગ્રામ એકાઉન્ટ પર શેર કર્યો છે. વીડિયો શેર કરતાં વોર્નરે કેપ્શનમાં લખ્યું કે, તમારો શું વિચાર છે? ચાહકોની માંગ પર... ઉલ્લેખનીય છે કે, વોર્નરના ચાહકોને આ વીડિયો ઘણો પસંદ આવી રહ્યો છે. આ પહેલાં પણ ડેવિડ વોર્નર આ ગીત પર ડાન્સ કરતા વીડિયો શેર કરી ચુક્યો છે અને તેથી જ વોર્નરે હવે ચાલુ મેચમાં પણ તેના ચાહકોની માંગ પુરી કરતાં આ ડાન્સ કર્યો હતો.
વોર્નરે રમી હતી શાનદાર ઈનિંગઃ
કોલકાતા સામે રમાયેલી આ મેચમાં ડેવિડ વોર્નરે શાનદાર બેટિંગ કરી હતી. વોર્નરે 45 બોલમાં 61 રન બનાવ્યા હતા. આ 61 રનમાં વોર્નરના બેટથી 6 ચોક્કા અને 2 સિક્સર નીકળી હતી. જો કે આટલી શાનદાર બેટિંગ કર્યા બાદ પણ જ્યારે વોર્નર આઉટ થયો ત્યારે તે નિરાશ દેખાયો હતો.