SRH vs LSG Score: રોમાંચક મુકાબલામાં લખનઉની ટીમે હૈદરાબાદને હરાવ્યું, આવેશ ખાન રહ્યો જીતનો હીરો
ફાસ્ટ બોલરો આ મેદાન પર ઘણા સફળ છે. હૈદરાબાદ અને લખનઉ વચ્ચે રમાનારી મેચમાં બંને ટીમો વચ્ચે જોરદાર ટક્કર થશે તે જોવાનું રહેશે.
IPL 2022, SRH vs LSG: મુંબઈના DY પાટિલ સ્ટેડિયમમાં રમાયેલી IPL 2022 ની 12મી મેચમાં, લખનઉ સુપર જાયન્ટ્સે સનરાઈઝર્સ હૈદરાબાદને 12 રને હરાવ્યું. આવેશ ખાને શાનદાર બોલિંગ કરતા 4 વિકેટ ઝડપી હતી. હૈદરાબાદની ટીમ 20 ઓવરમાં 9 વિકેટ ગુમાવી 157 રન બનાવી શકી હતી. આ રોમાંચક મુકાબલામાં લખનઉનો 12 રને વિજય થયો હતો.
સનરાઈઝર્સ હૈદરાબાદનો સ્કોર 100 રનને પાર પહોંચી ગયો છે. નિકોલસ પૂરણ અને સુંદર રમતમાં છે. 15 ઓવરમાં 4 વિકેટ ગુમાવી 120 રન બનાવી લીધા છે. પૂરણ 21 રને રમતમાં છે.
સનરાઈઝર્સ હૈદરાબાદનો સ્કોર 100 રનને પાર પહોંચી ગયો છે. નિકોલસ પૂરણ અને સુંદર રમતમાં છે. 15 ઓવરમાં 4 વિકેટ ગુમાવી 120 રન બનાવી લીધા છે. પૂરણ 21 રને રમતમાં છે.
સનરાઈઝર્સ હૈદરાબાદની ટીમે 8 ઓવરમાં 2 વિકેટ ગુમાવી 66 રન બનાવી લીધા છે. હાલ રાહુલ ત્રિપાઠી અને મર્કરમ રમતમાં છે.
સનરાઈઝર્સ હૈદરાબાદને બીજો મોટો ઝટકો લાગ્યો છે. વિલિયમસન બાદ અભિશેક શર્મા આઉટ થયો છે. હૈદરાબાદની ટીમે 5.1 ઓવરમાં 2 વિકેટ ગુમાવી 38 રન બનાવી લીધા છે.
લખનઉ સુપર જાયન્ટે સનરાઈઝર્સ હૈદરાબાદને જીત માટે 170 રનનો લક્ષ્યાંક આપ્યો છે. લખનઉની ટીમે 20 ઓવરમાં 7 વિકેટ ગુમાવી 169 રન બનાવ્યા હતા. કેએલ રાહુલ સૌથી વધુ 68 રનની ઈનિંગ રમી હતી. આ સિવાય હુડાએ 51 રન બનાવ્યા હતા. હૈદરાબાદ તરફથી વોશિંગટન સુંદર, નટરાજન અને સેફર્ડે 2-2 વિકેટ ઝડપી હતી.
કેએલ રાહુલ 68 રન બનાવીને આઉટ થયો છે. લખનઉની ટીમનો સ્કોર 18.4 ઓવરમાં 150 રન પર પહોંચી ગયો છે.
દિપક હુડા અડધી સદી ફટકારી આઉટ થયો છે. લખનઉની ટીમનો સ્કોર 17.1 ઓવરમાં 4 વિકેટ ગુમાવી 139 રન થયો છે. કેએલ રાહુલ 64 રન બનાવી રમતમાં છે.
કેએલ રાહુલ અને દીપક હુડ્ડાએ ઈનિંગ્સને સંભાળી છે. લખનઉની ટીમનો સ્કોર 100ને પાર પહોંચી ગયો છે. રાહુલ 47 અને દિપક હુડ્ડા 49 રને રમતમાં છે.
લખનઉની ટીમને ત્રીજો ઝટકો લાગ્યો છે. મનિષ પાંડે 11 રન બનાવી આઉટ થયો છે. કેએલ રાહુલ હાલ મેદાનમાં છે. 27 રનમાં લખનઉની ટીમે 3 વિકેટ ગુમાવી દિધી છે. રાહુલ 25 રને રમતમાં છે.
લખનઉ સુપર જાયન્ટને બીજો ઝટકો લાગ્યો છે. એવિન લૂઈસ પણ માત્ર એક જ રન બનાવીને આઉટ થયો છે. વોશિંગ્ટન સુંદરે વિકેટ ઝડપી હતી. લખનઉની ટીમે 4.1 ઓવરમાં 2 વિકેટ ગુમાવીને 17 રન બનાવી લીધા છે. હાલમાં કેએલ રાહુલ અને મનીષ પાંડે રમતમાં છે.
લખનઉ સુપર જાયન્ટ ટીમને પ્રથમ ઝટકો લાગ્યો છે. ડિકોક માત્ર 1 રન બનાવી આઉટ થયો હતો.
આજની મેચનો ટોસ સનરાઈઝર્સ હૈદરાબાદે જીત્યો હતો. આજની મેચ માટે સનરાઈઝર્સ હૈદરાબાદની ટીમ પ્લેઈંગ 11 આ પ્રમાણે છે - કેન વિલિયમસન, અભિષેક શર્મા, એડન માર્કરામ, રાહુલ ત્રિપાઠી, નિકોલસ પૂરન, અબ્દુલ સમદ, રોમારિયો શેફર્ડ, વોશિંગ્ટન સુંદર, ભુવનેશ્વર કુમાર, ટી નટરાજન, ઉમરાન મલિક
આજની મેચમાં લખનઉ સુપર જાયન્ટ્સ ટોસ હારી ગઈ હતી. આજની મેચ માટે લખનઉ સુપર જાયન્ટ્સ ટીમનો પ્લેઈંગ 11 આ પ્રમાણે છે - લોકેશ રાહુલ, ક્વિન્ટન ડી કોક, એવિન લુઈસ, મનીષ પાંડે, દીપક હુડા, આયુષ બદોની, કૃણાલ પંડ્યા, જેસન હોલ્ડર, અવેશ ખાન, રવિ બિશ્નોઈ, એન્ડ્રુ ટાય.
આજે સનરાઈઝર્સ હૈદરાબાદ અને લખનઉ સુપર જાયન્ટ વચ્ચે મુકાબલો છે. સનરાઈઝર્સ હૈદરાબાદે ટોસ જીતી પ્રથમ બોલિંગ કરવાનો નિર્ણય કર્યો છે.
બ્રેકગ્રાઉન્ડ
IPL 2022, SRH vs LSG: IPL 2022 માં KL રાહુલની લખનઉ સુપર જાયન્ટ અને કેન વિલિયમસનની સનરાઈઝર્સ હૈદરાબાદની ટીમો એકબીજા સામે ટકરાશે. બંને ટીમો વચ્ચેનો જંગ મુંબઈના ડીવાય પાટિલ સ્ટેડિયમમાં સાંજે 7.30 વાગ્યાથી જોવા મળશે. જ્યાં લખનઉએ અત્યાર સુધીમાં બે મેચ રમી છે, જેમાં તેણે એક મેચ જીતી છે અને એક મેચ હારી છે. તે જ સમયે, હૈદરાબાદે એક મેચ રમી છે, જેમાં તેને હારનો સામનો કરવો પડ્યો હતો. IPLના ઈતિહાસમાં પહેલીવાર લખનઉ અને હૈદરાબાદની ટીમો સામસામે ટકરાશે.
પિચ રિપોર્ટ
ડીવાય પાટિલ સ્પોર્ટ્સ એકેડમીની પીચ સંતુલિત છે. છેલ્લી 10 મેચોમાં આ મેદાન પર પ્રથમ દાવનો સરેરાશ સ્કોર 172 રન છે. બંને ટીમો ટોસ જીતીને પ્રથમ બોલિંગ કરવાનો પ્રયાસ કરશે કારણ કે આ મેદાન પર રમાયેલી મોટાભાગની મેચો લક્ષ્યાંકનો પીછો કરીને જીતવામાં આવી છે. ફાસ્ટ બોલરો આ મેદાન પર ઘણા સફળ છે. હૈદરાબાદ અને લખનઉ વચ્ચે રમાનારી મેચમાં બંને ટીમો વચ્ચે જોરદાર ટક્કર થશે તે જોવાનું રહેશે. IPL 2022માં અહીં રમાયેલી બંને મેચો ઓછી સ્કોરિંગ રહી છે. પ્રથમ દાવની સરેરાશ 157 છે જ્યારે બીજી ઈનિંગની તે 147 છે. ઝાકળ અહીં એક મોટું પરિબળ હશે.
આ દિગ્ગજ ખેલાડીઓ આજની મેચનો ભાગ નહીં હોય
ભલે જેસન હોલ્ડર આજે એક્શનમાં જોવા મળશે, પરંતુ હજુ પણ ઘણા એવા ખેલાડીઓ છે જે ટીમ સાથે જોડાયેલા નથી. સનરાઇઝર્સ હૈદરાબાદની વાત કરીએ તો ઓલરાઉન્ડર સીન એબોટ અને મિડલ ઓર્ડર બેટ્સમેન ગ્લેન ફિલિપ્સ આજની મેચનો ભાગ નહીં હોય. લખનઉની વાત કરીએ તો ઓલરાઉન્ડર માર્કસ સ્ટોઈનિસ રમતા જોવા મળશે નહીં.
- - - - - - - - - Advertisement - - - - - - - - -