IPL 2022: સીઝન તેના રોમાંચક પડાવ તરફ પહોંચી ગઈ છે અને તમામ ખેલાડીઓ વિસ્ફોટક બેટિંગ કરીને હેડલાઈન્સ બનાવી રહ્યા છે. આજે અમે તમને એવા પાંચ ખેલાડીઓ વિશે જણાવીશું જેમણે આ સિઝનમાં સૌથી લાંબી સિક્સ ફટકારી છે. આશ્ચર્યની વાત એ છે કે આ વખતે સૌથી લાંબી સિક્સ યુવા ખેલાડી ડેવાલ્ડ બ્રેવિસે ફટકારી છે, જે જુનિયર એબી તરીકે પ્રખ્યાત છે. મુંબઈની ટીમનું ખાતું ભલે હજુ ખુલ્યું નથી, પરંતુ બ્રેવિસે પોતાની ઝડપી બેટિંગથી ઘણી હેડલાઈન્સ બનાવી છે.
1. IPLની આ સિઝનમાં સૌથી લાંબી સિક્સ મુંબઈના યુવા ખેલાડી ડેવાલ્ડ બ્રેવિસે ફટકારી છે. જુનિયર એબી તરીકે જાણીતા બ્રેવિસે પંજાબ કિંગ્સ સામે 112 મીટર લાંબી સિક્સ ફટકારી હતી. આ સિવાય તેણે પંજાબ સામે 102 મીટર લાંબી સિક્સ ફટકારી હતી.
2. પંજાબ કિંગ્સના વિસ્ફોટક બેટ્સમેન લિયામ લિવિંગસ્ટોન આ સિઝનમાં તોફાની બેટિંગ કરી રહ્યો છે. તે આ સિઝનમાં સૌથી લાંબી સિક્સર મારનાર બેટ્સમેન છે. લિવિંગસ્ટોને ચેન્નાઈ સામે 108 મીટર, સનરાઈઝર્સ હૈદરાબાદ સામે 106 મીટર અને આરસીબી સામે 105 મીટર લાંબી સિક્સર મારી ચુક્યો છે.
3. લખનઉ સુપર જાયન્ટ્સના માર્કસ સ્ટોઈનિસ આ યાદીમાં ત્રીજા નંબરે છે. સ્ટોઈનિસે મુંબઈ ઈન્ડિયન્સ સામેની મેચમાં 104 મીટર લાંબી સિક્સ ફટકારી હતી.
4. ચેન્નાઈ સુપર કિંગ્સના યુવા બેટ્સમેન શિવમ દુબેએ RCB સામે શાનદાર ઇનિંગ રમી અને આ દરમિયાન 102 મીટર લાંબી સિક્સ ફટકારી. તેણે આ શોટ જોશ હેઝલવુડના બોલ પર ફટકાર્યો હતો.
5. રાજસ્થાન રોયલ્સના સ્ટાર ખેલાડી જોસ બટલર આ સિઝનમાં સૌથી વધુ રન બનાવનાર ખેલાડી છે. તેણે અત્યાર સુધીમાં બે સદી પણ ફટકારી છે. બટલરના બેટમાંથી ઘણા મોટા શોટ્સ નીકળ્યા છે અને તેણે મુંબઈ ઈન્ડિયન્સ સામે 101 મીટર લાંબી સિક્સર ફટકારી છે.