IPL 2023, PBKS vs RCB Live Telecast: ઈન્ડિયન પ્રીમિયર લીગ 2023ની 27મી મેચ આજે (20 એપ્રિલ) પંજાબ કિંગ્સ અને રૉયલ ચેલેન્જર્સ બેંગ્લૉર વચ્ચે રમાશે. આ મેચમાં આરસીબીની ટીમ જીતના પાટા પર પાછી આવવા પ્રયાસ કરશે. ચેન્નાઈ સામેની છેલ્લી મેચમાં તેને હારનો સામનો કરવો પડ્યો હતો. વળી, પંજાબ કિંગ્સ લખનઉ સુપર જાયન્ટ્સ સામે જીત્યા બાદ ઉત્સાહમાં છે. આવામાં બન્ને ટીમો વચ્ચે ખરાખરીનો જંગ જામશે. જાણો પંજાબ કિંગ્સ અને રૉયલ ચેલેન્જર્સ બેંગ્લૉર વચ્ચે રમાયેલી મેચનું ક્યારે ને કેટલા વાગ્યાથી જોઇ શકાશે લાઇવ પ્રાસરણ....
આરસીબી ફૉર્મ નથી જાળવી શકી -
ઈન્ડિયન પ્રીમિયર લીગ 2023માં રૉયલ ચેલેન્જર્સ બેંગ્લૉરે પોતાના અભિયાનની શરૂઆત જીત સાથે કરી હતી. પરંતુ ટીમ જીતનો સિલસિલો જાળવી રાખવામાં નિષ્ફળ ગઇ છે. બેંગલૉરની ટીમે 16મી સિઝનમાં અત્યાર સુધી કુલ 5 મેચ રમી છે, જેમાં 2માં જીત અને ત્રણમાં હારનો સામનો કરવો પડ્યો છે. 4 પૉઈન્ટ સાથે RCBની ટીમ પૉઈન્ટ ટેબલમાં આઠમા નંબર પર છે. તો વળીબ બીજીબાજુ પંજાબ કિંગ્સનું પ્રદર્શન અત્યાર સુધી એવરેજ રહ્યું છે. પંજાબે 5માંથી ત્રણ મેચ જીતી છે અને 2માં હારનો સામનો કરવો પડ્યો છે. શિખર ધવનની ટીમ 6 પૉઈન્ટ સાથે પાંચમા નંબર પર છે.
ક્યારે રમાશે પંજાબ કિંગ્સ અને રૉયલ ચેલેન્જર્સ બેંગ્લૉર વચ્ચેની મેચ ?
પંજાબ કિંગ્સ અને રૉયલ ચેલેન્જર્સ બેંગ્લૉર વચ્ચેની મેચ 20 એપ્રિલે રમાશે. આ મેચ મોહાલીના આઇએસ બિન્દ્રા સ્ટેડિયમમાં રમાશે. પંજાબ કિંગ્સ અને રૉયલ ચેલેન્જર્સ બેંગ્લૉર વચ્ચે મેચ ભારતીય સમયાનુસાર બપોરે 3.30 વાગ્યાથી શરૂ થશે. મેચના અડધા કલાક પહેલા એટલે કે 3 વાગે ટૉસ થશે.
કઇ ચેનલ પરથી જોઇ શકાશે પંજાબ કિંગ્સ અને રૉયલ ચેલેન્જર્સ બેંગ્લૉર વચ્ચેની મેચનું લાઇવ પ્રસારણ ?
પંજાબ કિંગ્સ અને રૉયલ ચેલેન્જર્સ બેંગ્લૉર વચ્ચેની મેચનું લાઇવ પ્રસારણ સ્ટાર સ્પૉર્ટ્સ નેટવર્કની જુદીજુદી ચેનલો પરથી જોઇ શકાશે. જેનુ પ્રસારણ કેટલીય ભાષાઓમાં હશે. આ ઉપરાંત જે યૂઝર્સની પાસે JIO CINEMA એપનુ સબ્સક્રિપ્શન છે, તો ઓનલાઇન સ્ટ્રીમિંગ દ્વારા મોબાઇલ ફોન પર ફ્રીમાં મેચનો લાભ લઇ શકશે.