RCB vs RR: રાજસ્થાન રોયલ્સની 29 રનથી જીત, 115 રનમાં બેંગ્લોર ઓલ આઉટ, કુલદીપ સેને 4 અને અશ્વિને 3 વિકેટ લીધી

ઈંડિયન પ્રીમિયર લીગની 15મી સીઝનમાં ટીમોની ટક્કર અને રોમાંચક મેચો યથાવત છે. આજે આ શ્રેણીમાં રોયલ ચેલેન્જર્સ બેંગ્લોર અને રાજસ્થાન રોયલ્સની ટીમ વચ્ચે મુકાબલો છે.

બ્રેકગ્રાઉન્ડ

ઈંડિયન પ્રીમિયર લીગની 15મી સીઝનમાં ટીમોની ટક્કર અને રોમાંચક મેચો યથાવત છે. આજે આ શ્રેણીમાં રોયલ ચેલેન્જર્સ બેંગ્લોર અને રાજસ્થાન રોયલ્સની ટીમ વચ્ચે મુકાબલો છે.  આ મેચ પુણેના મહારાષ્ટ્ર ક્રિકેટ એસોસિયેશન સ્ટેડિયમમાં રમાશે. બેંગ્લુરુની ટીમે ટોસ જીતી પ્રથમ બોલિંગ કરવાનો નિર્ણય કર્યો છે. ચાલો જાણીએ આજની મેચમાં કોણ બાજી મારી શકે છે અને શું છે ભૂતકાળની મેચોના આંકડા.બેંગ્લોર અને રાજસ્થાનના હેડ ટૂ હેડ આંકડાઃ રોયલ ચેલેન્જર્સ બેંગ્લોર અને રાજસ્થાન રોયલ્સની વચ્ચે રમાયેલી અત્યાર સુધીની મેચોના આંકડા જોઈએ તો RCBની ટીમનું પલ્લુ ભારે છે. આ બંને ટીમો વચ્ચે રમાયેલી અત્યાર સુધીની મેચોમાંથી 13 મેચોમાં બેંગ્લોર અને 10 મેચોમાં રાજસ્થાનની જીત થઈ હતી. ભૂતકાળની મેચોના આંકડામાં ભલે બેંગ્લોરની ટીમ મજબૂત દેખાઈ રહી હોય પરંતુ આ સીઝનની રાજસ્થાન રોયલ્સની ટીમ પણ ઘણી અલગ છે અને અત્યાર સુધી સારું પ્રદર્શન કરી ચુકી છે. કઈ ટીમ મજબૂતઃ રોયલ ચેલેન્જર્સ બેંગ્લોર અને રાજસ્થાન રોયલ્સમાં સંજુ સેમસનની ટીમ મજબુત છે. બેટિંગ અને બોલિંગ એમ બંને વિભાગમાં રાજસ્થાનની ટીમમાં સારા ખેલાડી છે. આજની મેચમાં રાજસ્થાનની જીતની શક્યતાઓ વધુ દેખાઈ રહી છે. જો કે ટોસ કોણ જીતે છે તેના ઉપર પણ મેચનું પરિણામ નિર્ભર રહી શકે છે. પહેલાં બોલિંગ કરનાર ટીમને ફાયદો મળવાની પુરી શક્યતા છે.

26/04/2022 23:38:08

રાજસ્થાનના બોલર સામે બેંગ્લોરના બેટ્સમેન ના ચાલ્યા

પુણેના મહારાષ્ટ્ર ક્રિકેટ એસોસિએશન સ્ટેડિયમમાં રમાયેલી IPL 2022ની 39મી મેચમાં રાજસ્થાન રોયલ્સે રોયલ ચેલેન્જર્સ બેંગ્લોરને 29 રનથી હરાવ્યું હતું. રાજસ્થાનની આઠ મેચોમાં આ છઠ્ઠી જીત છે. આ સાથે RCBની 9 મેચોમાં આ ચોથી હાર છે.

પ્રથમ બેટિંગ કરવા આવેલી રાજસ્થાન રોયલ્સે રિયાન પરાગના અણનમ 56 રનની મદદથી 20 ઓવરમાં 8 વિકેટે 144 રન બનાવ્યા હતા. જવાબમાં રોયલ ચેલેન્જર્સ બેંગ્લોરની ટીમ 19.3 ઓવરમાં માત્ર 115 રનમાં ઓલઆઉટ થઈ ગઈ હતી. રાજસ્થાન માટે યુવા ઝડપી બોલર કુલદીપ સેને 3.3 ઓવરમાં માત્ર 20 રન આપીને 4 વિકેટ ઝડપી હતી. આ સિવાય રવિચંદ્રન અશ્વિને પણ 3 વિકેટ ઝડપી હતી.

26/04/2022 23:16:16

રાજસ્થાન રોયલ્સની 29 રનથી જીત થઈ

રાજસ્થાન રોયલ્સની 29 રનથી જીત થઈ. 19.3 ઓવરમાં 115 રન ઉપર રોયલ ચેલેન્જર્સ બેંગ્લોરની તમામ વિકેટ પડી ગઈ હતી. 

26/04/2022 22:10:22

બેંગ્લુરુની ટીમે 50 રનની અંદર 3 વિકેટ ગુમાવી

રોયલ ચેલેન્જર્સ બેંગ્લુરુની ટીમે 50 રનની અંદર 3 વિકેટ ગુમાવી દિધી છે. હાલ 8.1 ઓવરમાં 46 રન થયા છે.  હાલમાં રજત પાટીદાર અને શાહબાઝ અહેમદ રમતમાં છે. 

26/04/2022 21:45:51

રોયલ ચેલેન્જર્સ બેંગ્લુુરુને પ્રથમ ઝટકો

રોયલ ચેલેન્જર્સ બેંગ્લુુરુને પ્રથમ ઝટકો લાગ્યો છે. વિરાટ કોહલી માત્ર 9 રન બનાવી આઉટ થયો છે. 3.2 ઓવરમાં બેંગ્લુરુની ટીમે 1 વિકેટ ગુમાવીને 18 રન બનાવી લીધા છે. 

26/04/2022 21:27:04

રાજસ્થાને 144 રન બનાવ્યા

પુણેના મહારાષ્ટ્ર ક્રિકેટ એસોસિએશન સ્ટેડિયમમાં રમાઈ રહેલી IPL 2022ની 39મી મેચમાં રાજસ્થાન રોયલ્સે પ્રથમ રમત રમીને 20 ઓવરમાં 8 વિકેટે 144 રન બનાવ્યા હતા. એક સમયે રાજસ્થાને 18મી ઓવરમાં 110 રનમાં પોતાની સાત વિકેટ ગુમાવી દીધી હતી, ત્યારે એવું લાગતું હતું કે ટીમ 125 રન સુધી પણ નહીં પહોંચે, પરંતુ રિયાન પરાગે માત્ર 31 બોલમાં અણનમ 56 રનની તોફાની ઇનિંગ રમી હતી.

26/04/2022 20:54:40

રિયાન પરાગ 23 રન બનાવી હાલ રમતમાં

રાજસ્થાન રોયલ્સનો સ્કોર 16 ઓવરમાં 100 રનને પાર થયો છે. રિયાન પરાગ 23 રન બનાવી હાલ રમતમાં છે. રાજસ્થાન રોયલ્સની શરુઆત ખરાબ થઈ હતી.  રાજસ્થાનની ટીમે હાલ 6 વિકેટ ગુમાવી દિધી છે. 

26/04/2022 20:19:23

સંજૂ સેમસન 27 રન બનાવીને હાલ રમતમાં

રાજસ્થાનની ટીમે 9 ઓવરમાં 3 વિકેટ ગુમાવીને 67 રન બનાવી લીધા છે. સંજૂ સેમસન 27 રન બનાવીને હાલ રમતમાં છે. 

26/04/2022 19:56:05

રાજસ્થાન રોયલ્સની શરુઆત ખરાબ

રાજસ્થાન રોયલ્સની શરુઆત ખરાબ થઈ છે. માત્ર 33 રનમાં રાજસ્થાનની ટીમે 3 વિકેટ ગુમાવી દિધી છે. બટલર માત્ર 8 રન બનાવી આઉટ થયો હતો. રવિચંદ્ર અશ્વિન 17 રન બનાવીને આઉટ થયો હતો. 

26/04/2022 19:15:55

રાજસ્થાન પ્લેઈંગ ઈલેવન:

રાજસ્થાન પ્લેઈંગ ઈલેવન: જોસ બટલર, દેવદત્ત પડિકલ, સંજુ સેમસન (C), શિમરોન હેટમાયર, રિયાન પરાગ, ડેરેલ મિશેલ, રવિચંદ્રન અશ્વિન, ટ્રેન્ટ બોલ્ટ, પ્રણંદ કૃષ્ણા, કુલદીપ સેન, યુઝવેન્દ્ર ચહલ

26/04/2022 19:15:19

બેંગલોર પ્લેઈંગ ઈલેવન:

બેંગલોર પ્લેઈંગ ઈલેવન: ફાફ ડુ પ્લેસીસ (C), વિરાટ કોહલી, ગ્લેન મેક્સવેલ, દિનેશ કાર્તિક (WK), સુયશ પ્રભુદેસાઈ, શાહબાઝ અહેમદ, હર્ષલ પટેલ, વનિન્દુ હસરાંગા, જોશ હેઝલવુડ, મોહમ્મદ સિરાજ, રજત પાટીદાર

26/04/2022 19:14:47

આરસીબીએ ટોસ જીતીને પહેલા બોલિંગ કરવાનો નિર્ણય કર્યો

ઈન્ડિયન પ્રીમિયર લીગ (IPL 2022)ની 39મી મેચમાં બેંગ્લોર અને રાજસ્થાનની ટીમો આમને-સામને છે. આરસીબીએ ટોસ જીતીને પહેલા બોલિંગ કરવાનો નિર્ણય કર્યો હતો.