RR vs DC, R Ashwin: રાજસ્થાન રોયલ્સ અને દિલ્હી કેપિટલ્સ વચ્ચે મુંબઈના ડીવાય પાટિલ સ્ટેડિયમમાં આઈપીએલ 2022ની 58મી મેચ રમાઈ રહી છે. આ મેચમાં દિલ્હીના કેપ્ટન ઋષભ પંતે ટોસ જીતીને પહેલાં બોલિંગ કરવાનો નિર્ણય કર્યો હતો. પહેલાં બેટિંગ કરવા ઉતરેલી રાજસ્થાનની ટીમની શરુઆત ખરાબ રહી હતી. ઓપનર બેટ્સમેન બટલર અને જયસ્વાલ તરત આઉટ થઈ ગયા હતા. ત્યાર બાદ બેટિંગ કરવા આવેલા આર.અશ્વિને શાનદાર બેટિંગ કરીને પોતાના આઈપીએલ કરીયરની પહેલી અડધી સદી ફટકારી હતી.
અશ્વિને શાનદાર બેટિંગ કરતાં ચોક્કા અને સિક્સર ફટકારવાનું ચાલુ કર્યું હતું. અશ્વિનની આ બેટિંગ જોઈને રાજસ્થાન રોયલ્સે ટ્વીટ કરીને દિલ્હીના કેપ્ટન ઋષભ પંતની મોજ લીધી હતી. રાજસ્થાને પંતનો એક જુનો ફોટો શેર કર્યો હતો. આ ફોટોમાં લખેલું હતું - કમ ઓન અશ્વિન, કમ ઓન.
અશ્વિને 38 બોલમાં 50 અને દેવદત્ત પડિકલે 30 બોલમાં 48 રન બનાવ્યા હતા. બંનેએ ત્રીજી વિકેટ માટે 53 રનની ભાગીદારી કરી હતી. અશ્વિન 38 બોલમાં 4 ચોગ્ગા અને 2 છગ્ગા ફટકાર્યા હતા. આ સાથે પડિકલે 6 ચોગ્ગા અને બે છગ્ગા ફટકાર્યા હતા. ત્યાર બાદ કેપ્ટન સંજુ સેમસન 4 બોલમાં 6 રન અને રિયાન પરાગ 5 બોલમાં 9 રન બનાવીને ઝડપથી આઉટ થઈ ગયા હતા.