IPL હરાજી પહેલા જ જમ્મુ એક્સપ્રેસ ઉમરાન માટે ઘડી કાઢ્યો હતો આવો પ્લાન, સ્ટેને કર્યો ચોંકાવનારો ખુલાસો.......

ઉમરાન મલિકને લઇને આગળ વાત કરતા સ્ટેને કહ્યું કે, જ્યારે મે તેની સ્પીડ જોઇ તો હું પણ ચોંકી ગયો. તે દરમિયાન હુ કૉમેન્ટ્રી કરી રહ્યો હતો, તે સતત એક જ સ્પીડથી બૉલ ફેંકી રહ્યો હતો,

IPL 2022 Auction: આઇપીએલ 2022માં સનરાઇઝર્સ હૈદરાબાદ (Sunrisers Hyderabad)નુ પ્રદર્શન કંઇ ખાસ ના રહ્યું, ટીમે સતત પાંચ મેચોમાં હારનો સામનો કરીને પ્લેઓફની રેસમાંથી પહેલાથી જ બહાર થઇ જવુ પડ્યુ હતુ. જોકે, ટીમના કેટલાક હકારાત્મક પાસાઓ પણ આ સિઝનમાં જોવા મળ્યા, આમાં એક નામ ખાસ રહ્યું અને તે છે ઉમરાન મલિક. જમ્મુ એક્સપ્રેસ તરીકે જાણીતા ઉમરાન મલિકે પોતાના પ્રદર્શનથી બધાને ચોંકાવી દીધા. આઇપીએલની 15મી સિઝનમાં તેનુ પ્રદર્શન દમદાર રહ્યું અને તેની તાકાતથી ટીમ ઇન્ડિયામાં તેને જગ્યા પણ બનાવી લીધી. જોકે, હવે ખુદ સનરાઇઝર્સ હૈદરાબાદના મેન્ટર અને ટીમના બૉલિંગ કૉચ ડેલ સ્ટેને જમ્મુ એક્સપ્રેસ ઉમરાન મલિકની બૉલિંગ અને પ્રદર્શનને લઇને મોટો ખુલાસો કર્યો છે.  

ઉમરાનને લઇને ટીમ મેનેજમેન્ટ સાથે થયેલી વાતચીતનો ખુલાસો કરતા ડેલ સ્ટેને કહ્યું કે, હું પણ એ વાતનો ભાગ હતો, અમે બસ એજ ઇચ્છતા હતા કે તેમની પાસે અનુભવી બૉલર રહે. તે સારી સ્પીડમાં બૉલિંગ કરી રહ્યો હતો, આવામાં અમે ઇચ્છતા હતા કે તેને ગાઇડ કરવા માટે કોઇ અનુભવી બૉલર હોય. આવામાં ભૂવનેશ્વર કુમાર અને નટરાજનનુ હોવુ ખુબ જરૂરી હતુ. 

ઉમરાન મલિકને લઇને આગળ વાત કરતા સ્ટેને કહ્યું કે, જ્યારે મે તેની સ્પીડ જોઇ તો હું પણ ચોંકી ગયો. તે દરમિયાન હુ કૉમેન્ટ્રી કરી રહ્યો હતો, તે સતત એક જ સ્પીડથી બૉલ ફેંકી રહ્યો હતો, સાચે જ તેની પાસે સ્પીડ છે.તે સતત શીખતો રહે છે. એક કૉચ અને કેપ્ટન તરીકે તેમે ખેલાડી પાસે આનાથી વધુ અપેક્ષા નથી રાખી શકતા. 

ઉલ્લેખનીય છે કે, ઉમરાન મલિકને સાઉથ આફ્રિકાની ટી20 સીરીઝમાં મોકો આપવામાં આવ્યો છે. આ ઉપરાંત ખુદ સૌરવ ગાંગુલીએ પણ ઉમરાન મલિકની પ્રસંશા કરી છે.

 

આ પણ વાંચો..........