Virat Kohli IPL 2022: ગુજરાત સામે કોહલીની આક્રમક ઇનિંગ, બનાવ્યો આ ખાસ રેકોર્ડ

તે આ સિઝનમાં ત્રણ વખત ગોલ્ડન ડક પર આઉટ થયો છે, આ ઈનિંગ પહેલા વિરાટ કોહલીએ માત્ર એક ફિફ્ટી ફટકારી હતી

Royal Challengers Bangalore vs Gujarat Titans: ઇન્ડિયન પ્રિમિયર લીગ 2022ની 67મી મેચમાં ગુજરાત ટાઇટન્સ સામે રોયલ ચેલેન્જર્સ બેંગ્લોરની 8 વિકેટે જીત થઇ હતી. આ મેચ જીત્યા બાદ RCBએ પ્લેઓફમાં પહોંચવાની આશા જીવંત રાખી છે. આ જીત બાદ હવે આરસીબીના 16 પોઈન્ટ થઈ ગયા છે.

રોયલ ચેલેન્જર્સ બેંગ્લોરના ભૂતપૂર્વ કેપ્ટન વિરાટ કોહલીએ ગુજરાત ટાઇટન્સ (જીટી) સામે ધમાકેદાર ઇનિંગ્સ રમી હતી જેને જોઇને ભારતના ક્રિકેટ ચાહકો ખુશ થયા હતા. વિરાટ કોહલીએ આ ઇનિંગમાં 73 રન ફટકાર્યા હતા. જેમાં 8 ફોર અને 2 સિક્સ સામેલ હતી.

આ સિઝનમાં વિરાટ કોહલીની આ બીજી અડધી સદી છે. વિરાટ કોહલીએ ગુજરાતના બોલરો સામે શાનદાર શોટ્સ ફટકાર્યા હતા. વિરાટ કોહલીએ માત્ર 33 બોલમાં પોતાની ફિફ્ટી પૂરી કરી હતી.

આ રેકોર્ડ કોહલીના નામે થયો છે

વિરાટ કોહલીએ આ ઇનિંગ સાથે એક મોટો રેકોર્ડ પણ બનાવ્યો છે. T20 ક્રિકેટમાં વિરાટ કોહલીએ રોયલ ચેલેન્જર્સ બેંગ્લોર માટે 7000 રન પૂરા કર્યા છે. આવું કરનાર તે એકમાત્ર બેટ્સમેન છે. આ IPL અને ચેમ્પિયન્સ લીગને એક કરીને છે.

તે આ સિઝનમાં ત્રણ વખત ગોલ્ડન ડક પર આઉટ થયો છે, આ ઈનિંગ પહેલા વિરાટ કોહલીએ માત્ર એક ફિફ્ટી ફટકારી હતી. ખરાબ ફોર્મના કારણે વિરાટ કોહલીની સતત ટીકા કરવામાં આવી રહી હતી. પૂર્વ ક્રિકેટરો તેને આરામ કરવાની સલાહ આપી રહ્યા હતા.