મહિલા ક્રિકેટર ઝુલન ગોસ્વામીએ બનાવ્યો વર્લ્ડ રેકોર્ડ, કપિલદેવની કરી બરોબરી

મે 2017માં ઝુલન મહિલા ક્રિકેટની સૌથી સફળ બોલર બની હતી.

નવી દિલ્લી: દક્ષિણ આફ્રિકા સામેની બીજી વનડે મેચમાં ભારતીય ટીમની મહિલા સ્ટાર બોલર ઝુલન ગોસ્વામીએ પોતાના નામે વર્લ્ડ રેકોર્ડ બનાવી દીધો છે. ગોસ્વામી આંતરરાષ્ટ્રીય ક્રિકેટમાં મહિલા વન-ડે ક્રિકેટમાં 200 વિકેટ લેનારી પ્રથમ મહિલા બોલર બની ગઈ છે.

ઝુલણ ગોસ્વામીનો બેસ્ટ રેકોર્ડ 31 રન આપીને 6 વિકેટ ઝડપી હતી. સાથે તેણે બે વખત 5 કે તેથી વધુ વિકેટ ઝડપી છે. જો કે ગોસ્વામીના નામે એક અણગમતો રેકોર્ડ પણ છે. તે સૌથી વધુ 17 વખત શૂન્ય પર આઉટ થનારી પ્રથમ મહિલા ક્રિકેટર છે.

ગોસ્વામીએ આ ઉપલબ્ધિ 166 મેચોની 165 ઈનિંગ્સ રમીને મેળવી છે. ગોસ્વામીએ ઓપનર લોરા વોલવાર્ડની વિકેટ ઝડપી આ વિક્રમ સ્થાપ્યો છે. એક દિવસીય આંતરરાષ્ટ્રીય મેચમાં 200 વિકેટ લેવાનો રેકોર્ડ ભારતના પૂર્વ ક્રિકેટર કપિલ દેવે પણ બનાવ્યો હતો.