માર્ચ 1987માં અમદાવાદમાં ભારત અને પાકિસ્તાન વચ્ચે મેચ રમાઇ રહી હતી. ભારતના કેપ્ટન કપિલ દેવ અને પાકિસ્તાનના કેપ્ટન ઇમરાન ખાન હતા. પાકિસ્તાને ટોસ જીતી પહેલાં ફીલ્ડિંગ કરવાનું નક્કી કર્યું હતું. ભારત તરફથી ઓપનર સુનીલ ગાવસ્કર મેદાને હતા. તેમણે 58 રન કરતાં જ સ્ટેડિયમનો માહોલ બદલાઇ ગયો હતો. જે સાથે સુનિલ ગાવસ્કર દુનિયાના પહેલાં બેસ્ટમેન બની ગયા હતા, જેણે ટેસ્ટમાં 10 હજાર રન કર્યા હોય. તેમણે 124 ટેસ્ટમાં 212 ઇનિંગ રમી આ રેકોર્ડ કર્યો હતો. જે બાદ લોકોનો ઉત્સાહ એટલો હતો કે, આ રેકોર્ડ બાદ 20 મિનિટ સુધી રમત રોકવી પડી હતી. જે બાદ 63 રન બનાવી તેઓ આઉટ થયા હતા. જોકે, મેચ ડ્રો રહી હતી.
જોકે, અત્યાર સુધી 13 ખેલાડી ટેસ્ટ ક્રિકેટમાં 10 હજારથી વધુ રન બનાવી શક્યા છે. જેમાં સચિન તેંડુલકર (15921) સાથે ટોપ પર છે. ઉપરાંત રિકી પોંટીંગ (13378), જેક કાલિસ (13289), રાહુલ દ્વવિડ (13288), કુમાર સંગાકારા (12400), એલિસ્ટર કુક (12005), બ્રાયન લારા (11953), શિવનારાયણ ચંદ્રપોલ (11867), મહેલા જયવર્ધને (11814), એલન બોર્ડર (11174), સ્ટીવ વો (10927) અને યુનુસ ખાન (10099)નો સમાવેશ થાય છે.