ન્યૂઝીલેન્ડના આ બેટ્સમેને વન ડેમાં એક જ ઓવરમાં ફટકાર્યા 34 રન, જાણો કોણે બનાવ્યા છે સૌથી વધુ રન

નિશામે શ્રીલંકાના બોલર થિસારા પરેરાની એક જ ઓવરમાં 34 રન બનાવ્યા હતા. જેમાં તેણે પાંચ સિક્સ ફટકારી હતી. નિશામ 13 બોલમાં 47 રન બનાવી અણનમ રહ્યો હતો. નિશામ વન ડેમાં એક જ ઓવરમાં સૌથી વધુ રન ફટકારવાના મામલે એબી ડીવિલિયર્સ સાથે સંયુક્ત રીતે ત્રીજા નંબરે આવી ગયો છે.

ઓકલેન્ડઃ ન્યૂઝીલેન્ડ અને શ્રીલંકા વચ્ચે રમાઇ રહેલી વન ડેમાં ન્યૂઝીલેન્ડે પ્રથમ ઈનિંગમાં 7 વિકેટના નુકસાન પર 371 રન બનાવ્યા છે. કિવિ ટીમમાંથી માર્ટિન ગુપ્ટિલે 138 રન બનાવ્યા હતા. જ્યારે કેપ્ટન કેન વિલિયમ સન અને રોસ ટેલરે અડધી સદી ફટકારી હતી. પરંતુ મેચનું આકર્ષણ જેમ્સ નિશામ રહ્યો હતો.

સાઉથ આફ્રિકના વિસ્ફોટક બેટ્સમેન હર્ષલ ગિબ્સે 2007માં એક જ ઓવરમાં 36 રન બનાવ્યા હતા. તેણે 6 બોલમાં 6 છગ્ગા માર્યા હતા. આજ સુધી તેનો રેકોર્ડ કોઈ તોડી શક્યું નથી. બીજા નંબરે રહેલા શ્રીલંકાના થિસારા પરેરાએ 2013માં વન ડેમાં એક ઓવરમાં 35 રન બનાવ્યા હતા.