Dipa Karmakar Announces Retirement: ભારતની સ્ટાર જિમ્નાસ્ટ દીપા કરમાકરે પ્રૉફેશનલ જિમ્નેસ્ટિક્સમાંથી નિવૃત્તિની જાહેરાત કરી દીધી છે. તેણે ભારત માટે ગૉલ્ડ મેડલ જીત્યો છે. આ 25 વર્ષની લાંબી કારકિર્દીમાં તેણે ઓલિમ્પિકમાં ભારતનું પ્રતિનિધિત્વ પણ કર્યું હતું. પોતાના ઈન્સ્ટાગ્રામ એકાઉન્ટ પર એક પૉસ્ટ શેર કરતી વખતે દીપાએ લખ્યું, 'મેટને વિદાય! મારી સફરનો ભાગ બનેલા દરેકનો આભાર. આગળના પ્રકરણ તરફ.
દીપા કરમાકરે એક લાંબી પૉસ્ટ લખીને નિવૃત્તિની જાહેરાત કરી. તેણે લખ્યું, 'ઘણો વિચાર કર્યા પછી, મેં નક્કી કર્યું છે કે હું જિમ્નાસ્ટિક્સમાંથી નિવૃત્તિ લઈ રહી છું. આ નિર્ણય મારા માટે સરળ ન હતો, પરંતુ આ યોગ્ય સમય છે. "જિમ્નેસ્ટિક્સ મારા જીવનનો એક વિશાળ ભાગ છે અને હું દરેક ક્ષણ માટે આભારી છું - ઉતાર-ચઢાવ અને વચ્ચે જે કંઇપણ થયું."
ભારતને અપાવ્યો ગૉલ્ડ
તમામ મુશ્કેલીઓ છતાં, તેણીએ તુર્કિયેમાં 2018 કલાત્મક જિમ્નેસ્ટિક્સ વર્લ્ડકપમાં ગૉલ્ડ જીતીને એક મહાન સિદ્ધિ હાંસલ કરી. આ ટૂર્નામેન્ટમાં ગૉલ્ડ મેડલ જીતનારી તે પ્રથમ ભારતીય જિમ્નાસ્ટ બની હતી. 2021 માં તેણીએ ફરીથી કમાલ કર્યો અને તાશ્કંદમાં એશિયન જિમ્નેસ્ટિક ચેમ્પિયનશિપમાં ગૉલ્ડ મેડલ જીતીને દેશને ગૌરવ અપાવ્યું હતું.
ઓલિમ્પિકમાં રચ્યો ઇતિહાસ
દીપા કરમાકરે કારકિર્દીમાં એક યાદગાર ક્ષણ આવી જ્યારે તેણીએ 2016 રિયો ઓલિમ્પિકમાં તેના શાનદાર પ્રદર્શન સાથે અંતિમ વૉલ્ટ ઇવેન્ટ માટે ક્વૉલિફાય કર્યું અને આવું કરનારી પ્રથમ ભારતીય મહિલા જિમ્નાસ્ટ બનીને ઇતિહાસ રચ્યો. જોકે, તે આ ઈવેન્ટમાં મેડલ જીતવાનું ચૂકી ગઈ હતી. તેણે ચોથું સ્થાન મેળવ્યું. આ સિવાય તેણે અન્ય ટૂર્નામેન્ટમાં પણ ઘણા મેડલ જીત્યા છે.
આ પણ વાંચો
WT20 WC 2024: પાક. સામે જીત છતાં ભારત માટે સેમિફાઇનલમાં પહોંચવું મુશ્કેલ, જાણો સમીકરણ