Paris Olympics 2024 Shreyasi Singh and Rajeshwari Kumari: પેરિસ ઓલિમ્પિક 2024ના ચોથા દિવસ સુધી ભારતને બે મેડલ મળ્યા છે. પાંચમા દિવસે ભારતીય ખેલાડીઓ 17 અલગ-અલગ ઈવેન્ટ્સમાં મેડલ માટે પોતાનું કૌશલ્ય બતાવશે. જેમાં ઘણા મોટા સ્ટાર એથ્લેટ્સ પણ પેરિસ ઓલિમ્પિક 2024માં રમતા જોવા મળવાના છે. તેમાંથી એક આજની પ્રથમ સ્પર્ધા બિહારની મહિલા ધારાસભ્ય શ્રેયસી સિંહની છે. જેઓ તેમનો ક્વૉલિફિકેશન રાઉન્ડ રમશે.
શ્રેયસી સિંહ છે બિહારની મહિલા ધારાસભ્ય
શ્રેયસી સિંહ એક ભારતીય શૂટર છે. આ સિવાય તેઓ રાજકારણી પણ છે. શ્રેયસી સિંહ બિહાર વિધાનસભાની મહિલા ધારાસભ્ય છે. 2020માં તેમણે ભારતીય જનતા પાર્ટીની ટિકિટ પર જમુઈ વિધાનસભાથી ચૂંટણી લડી હતી. શ્રેયસી સિંહે રાષ્ટ્રીય જનતા દળના ઉમેદવાર વિજય પ્રકાશ યાદવને 41,000 મતોથી હરાવ્યા. તેમનો પરિવાર લાંબા સમયથી રાજકારણ સાથે જોડાયેલો છે. તેમના પિતા દિગ્વિજય સિંહ સાહબ અગાઉ સાંસદ રહી ચૂક્યા છે અને માતા પુતુલ સિંહ હાલમાં સાંસદ છે.
કૉમનવેલ્થ ગેમ્સની ગૉલ્ડ મેડાલિસ્ટ છે શ્રેયસી સિંહ
શ્રેયસી સિંહે કૉમનવેલ્થ ચેમ્પિયનશિપ 2010માં ટ્રેપમાં સિલ્વર મેડલ જીત્યો હતો. આ સિવાય તેણે કૉમનવેલ્થ ચેમ્પિયનશિપ 2017માં ડબલ ટ્રેપમાં પણ સિલ્વર મેડલ જીત્યો હતો. શ્રેયસી સિંહ કૉમનવેલ્થ ગેમ્સ 2018માં ડબલ ટ્રેપમાં ગૉલ્ડ જીતવામાં સફળ રહી હતી. તેણે એશિયન ગેમ્સ 2014માં ડબલ ટ્રેપ ટીમમાં બ્રૉન્ઝ મેડલ જીત્યો હતો.
શ્રેયસી સિંહની આજે મોટી મેચ
શ્રેયસી સિંહ આજે એટલે કે 31મી જુલાઈએ ટ્રેપ મહિલા ક્વૉલિફિકેશન રાઉન્ડ રમવા જઈ રહી છે. આ મેચ બપોરે 12.30 કલાકે રમાવાની છે. જેમાં રાજેશ્વરી કુમારી પણ પોતાની તાકાત બતાવશે. આ પછી, જો શ્રેયસી સિંહ ક્વૉલિફાય કરવામાં સફળ થાય છે, તો તે આ ઇવેન્ટમાં આજે સાંજે 7 વાગ્યે ફાઇનલ મેચ રમશે, જે મેડલ મેચ હશે.
-