IPL: ડી વિલિયર્સે હવામાં કૂદકો મારીને કયા ખેલાડીનો પડક્યો કેચ, જોઈને લોકો રહી ગયા દંગ

મોઈન અલીની મેચની આઠમી ઓવરના અંતિમ બોલ પર એલેક્સ હેલ્સે સિક્સર ફટકારવાનો પ્રયાસ કર્યો હતો. જોકે ડી વિલિયર્સે એક હાથે હવામાં કુદકો મારી બોલને પકડી પાડ્યો હતો. એલેક્સ હેલ્સ 37 રન બનાવી આઉટ થયો હતો.

ડી વિલિયર્સે ડીપ મિડવિકેટ બાઉન્ડ્રી પર એક હાથે કેચ પકડ્યો હતો ત્યારે કેપ્ટન વિરાટ કોહલી સહિત પ્લેયર્સ દોડીને તેની પાસે પહોંચી ગયા હતા. આ દરમિયાન વિરાટ કોહલીના એક્સપ્રેશન જોવા લાયક હતા.

સનરાઇઝર્સ હૈદરાબાદ વિરૂદ્ધ રમાયેલ મેચમાં રોયલ ચેલેન્જર્સ બેંગલુરુના એબીડી વિલિયર્સે એલેક્સ હેલ્સનો જબરદસ્ત કેચ પકડ્યો હતો. આ કેચ સિઝનનો સર્વશ્રેષ્ઠ કેચ સાબિત થઇ શકે છે. ડી વિલિયર્સે કેચ પકડતાં પેવેલિયનમાં લોકોએ બૂમાબૂમ કરી મૂકી હતી.

નવી દિલ્હી: IPL 2018માં રોયલ ચેલેન્જર્સ બેંગલુરુના પ્લેયર એબીડી વિલિયર્સે બાઉન્ડ્રી પર હવામાં જોરદાર કૂદકો મારી જબરદસ્ત કેચ પકડ્યો હતો. આ કેચ પકડતાં જ ચાહકો ખુશ થઈ ગયા હતાં. ડી વિલિયર્સના આ કેચને આઈપીએલના ઇતિહાસનો સર્વશ્રેષ્ઠ કેચ ગણવામાં આવ્યો હતો. ડી વિલિયર્સે એક હાથે એલેક્સ હેલ્સનો કેચ પકડ્યો હતો.