વર્લ્ડ કપમાં ચોથા નંબરનો બેટિંગ ક્રમ બીસીસીઆઈ અને કેપ્ટન વિરાટ કોહલી માટે ઘણા સમયથી ચિંતાનો વિષય છે. આ નંબરે અત્યાર સુધી અંબાતી રાયડુ, લોકેશ રાહુલ, દિનેશ કાર્તિક, વિજય શંકર અને રિષભ પંતને અજમાવ્યા છે પણ હજુ સુધી કોઈ નામ ફાઇનલ થયું નથી. આવા સમયે જો સેમસન આઈપીએલમાં શાનદાર પ્રદર્શન જારી રાખશે તો તેના માટે વર્લ્ડ કપના દરવાજા ખુલી શકે છે.
શુક્રવારે રાત્રે સનરાઇઝર્સ હૈદરાબાદ સામે રાજસ્થાન રોયલ્સના સ્ટાર બેટ્સમેન સંજૂ સેમસને 55 બોલમાં 10 ફોર અને 4 સિક્સર સાથે 102 રનની અણનમ ઇનિંગ્સ રમી હતી. આ ઇનિંગ્સ સાથે તેણે ટીમ ઇન્ડિયામાં વાપસીનો દાવો પણ ઠોકી દીધો છે. આઈપીએલ-2019માં પ્રથમ સદી ફટકારનાર આ ખેલાડીને લઈને ટીમ ઇન્ડિયાના પૂર્વ દિગ્ગજ ઓપનર ગૌતમ ગંભીરે મહત્વપૂર્ણ નિવેદન કર્યું છે.
ગૌતમ ગંભીર થોડા દિવસો પહેલા જ ભારતીય જનતા પાર્ટીમાં સામેલ થયો છે.