નવી દિલ્હીઃ ભારત સામેની વર્લ્ડકપ મેચ હાર્યા બાદ પાકિસ્તાની ટીમ તેમના ફેન્સના નિશાને ચઢી છે. પાકિસ્તાની ફેન્સ પોતાની ટીમની હારને લઇને સોશ્યલ મીડિયામાં પાક ક્રિકેટરોને ટ્રૉલ કરી રહી છે. હાલમાં સોશ્યલ મીડિયામાં વીડિયો અને કેટલીક તસવીરો વાયરલ થઇ રહી છે જેમાં પાકિસ્તાની ક્રિકેટરો અડધીરાત્રે હૉટલમાં મોજ મસ્તી કરી રહ્યાં છે. આ વીડિયો ભારત-પાકિસ્તાન મેચની આગલી રાતનો હોવાનું ફેન્સ કહી રહ્યાં છે.


વાયરલ થયેલા વીડિયોમાં પાકિસ્તાની ક્રિકેટર કેપ્ટન સરફરાજ અહેમદ, શોએબ મલિક અને ભારતીય ટેનિસ સ્ટાર સાનિયા મિર્ઝાની સાથે વહાબ રિયાઝ અને ઇમામ-ઉલ-હક સહિતના ખેલાડીઓ દેખાઇ રહ્યા છે. આ બધા પાક ખેલાડીઓ માન્ચેસ્ટરની ફેમસ શીશા કેફેમાં લેટ નાઇટ 2 વાગે પાર્ટી કરી રહ્યાં છે, પિઝા અને બર્ગરની મોજ માણી રહ્યાં છે.


વીડિયો સોશ્યલ મીડિયા પર વાયરલ થતાં હારથી દુઃખી થયેલા પાકિસ્તાની ફેન્સે પાકિસ્તાની ક્રિકેટરોને આડેહાથે લેવાનુ શરૂ કરી દીધુ હતુ. અહીં કેટલાક ટ્વીટ છે.