પણજીઃ ભારતના સ્ટાર ક્રિકેટર યુવરાજસિંહે બોલિવૂડ એક્ટ્રેસ હેઝલ કીચ સાથે ગોવામાં બીજીવાર હિન્દુ રીતરિવાજ અનુસાર લગ્ન કર્યા હતા. આ લગ્નમાં ભારતીય ટીમના કેપ્ટન વિરાટ કોહલી, રોહિત શર્મા સહિત અનેક સ્ટાર્સ હાજર રહ્યા હતા.

આ અવસર પર વિરાટ કોહલી અનુષ્કા શર્માના હાથમાં હાથ નાખી આવ્યો હતો. અનુષ્કા અને કોહલીએ યુવરાજ સિંહ અને હેઝલ સાથે મળી ડાન્સ કર્યો હતો. ગોવાના સિયોલિમ સ્થિત ટીઝો વોટરફ્રંન્ટ રિસોર્ટમાં યુવરાજસિંહના લગ્ન યોજાયા હતા. લગ્ન બાદ સાંજે ગ્રાન્ડ પાર્ટીનું આયોજન કરવામાં આવ્યું હતું જેમાં વિરાટ, રોહિત શર્મા સહિત મોટા સ્ટાર્સે હાજરી આપી હતી.