સુરતઃ ભાણીને વેશ્યાવૃત્તિમાં ધકેલનારી યુવતી સાથે પણ બે યુવકોએ માણ્યું હતું સેક્સ, અત્યારે છે પ્રેગનન્ટ, જાણો વિગત

અઠવા લાઇન્સ પોલીસની ટીમે તરુણીના માસી અને ગ્રાહક ઉમાકાંત ઉર્ફે રમાકાંત ઉર્ફે પેટુ, શીલુસિંગ ઉર્ફે ભોલુસિંગ, ભાવેશ નિખાર અને મહેશ ઉર્ફે લાલુ કોળી પટેલની ધરપકડ કરી હતી. પકડાયેલા તમામને રિમાન્ડની માગણી સાથે કોર્ટમાં રજૂ કરાયા હતા. જજે તમામનાં તા. 8મી સુધીનાં રિમાન્ડ મંજૂર કર્યાં છે.

આ બાબતે અઠવા લાઇન્સ પોલીસ મથકના પોઈ કે. કે. ઝાલાએ કહ્યું હતું કે, યુવતીએ પોલીસ સમક્ષ દુષ્કર્મ થયાની કબૂલાત કરી હતી. વળી, તબીબી પરીક્ષણમાં પણ તે ગર્ભવતી હોવાનું સપાટી પર આવ્યું છે. પરિણામે અઠવા લાઇન્સ પોલીસે ઝીરો નંબરથી ફરિયાદ નોંધી અમરોલી પોલીસ સ્ટેશનને મોકલી આપી હતી.

માહિતી પ્રમાણે, નાનપુરાની સગીરાને દેહવ્યવસાયમાં ધકેલવાના આરોપમાં ઝડપાયેલી 20 વર્ષીય માસીને પોલીસ સિવિલ હોસ્પિટલમાં મેડિકલ તપાસ માટે લઈ જવામાં આવી હતી. જ્યાં તેણીને છ મહિનાનો ગર્ભ હોવાનું સામે આવ્યું હતું. પોલીસે પૂછપરછ કરતા કબૂલાત કરી હતી કે, બળજબરીથી શારીરિક સંબંધ બાંધવામાં આવ્યા હતા. જેથી પોલીસે ફરિયાદ નોંધી છે

કોસાડ આવાસમાં રહેતી 20 વર્ષીય યુવતી હાલ અઠવા લાઇન્સ પોલીસના રિમાન્ડ તળે છે. જેના તબીબી પરીક્ષણમાં તેને છ માસનો ગર્ભ હોવાનું ફલિત થયું હતું. આ મુદ્દે અઠવા લાઇન્સ પોલીસે તેની પૂછપરછ કરી તો તેણે એવી કબૂલાત કરી હતી કે, કોસાડ આવાસમાં રહેતા રિક્ષાચાલક ભાવેશ રાજુ નિખારે પાંચેક મહિના પૂર્વે પોતાની સાથે લગ્ન કરવાની લાલચ આપી સંમતિથી શરીર સુખ માણ્યું હતું. ત્યાર બાદ લગ્ન કર્યાં ન હતાં. તો કોસાડ આવાસમાં જ રહેતા અન્ય એક યુવાન શીલુસિંગ મહેન્દ્રસિંગ રાજપૂતે આ યુવતીને તેની બહેનની પુત્રીના કેસમાં ફસાવી દેવાની ધમકી આપી બળજબરીથી શારીરિક સંબંધો બાંધી દુષ્કર્મ ગુજાર્યો હતો.

પીડિત સગીરા નાનપુરા ટીમલિયાવાડમાં રહેતી અને જૈન મંદિરમાં સાફ સફાઇનું કામ કરતી વિધવાની 15 વર્ષ અને 8 મહિનાની પુત્રી છે અને તેની સગી માસીએ તેને મુંબઈ ફરવા લઈ જવાના બહાને અપહરણ કરી ગયા બાદ તેની પાસે સાડા ત્રણ મહિના સુધી વેશ્યાવૃત્તિ કરાવ્યું હતું.

સુરતઃ શહેરના નાનપુરા વિસ્તારની સગીરાને બળજબરીથી હેહવેપારમાં ધકેલવાના આરોપસર એક મહિલાની પોલીસે ધરપકડ કરી રિમાન્ડ મંજૂર કર્યા છે. મુંબઇમાં ફરવા લઇ જવાના બહાને માસીએ જ પોતાની ભાણીને આ કામે લગાડી અને બાદમાં છ મહિનાનો ગર્ભ રહ્યો હોવાની કબુલાત આરોપી માસીએ કરી છે.