સુરતઃ હિતેશ દેસાઈના મૃત્યુના કેસમાં પોલીસે જેને સમન્સ આપ્યા છે તે જ્યોતિ સોલંકીએ સલમાન સાથે પડાવેલી તસવીર

જ્યોતિએ આપઘાતની દુષ્પ્રેરણા સંદર્ભે ગુનો દાખલ થાય તેવી આશંકાને પગલે આગોતરા જામીન મેળવવા માટે વકીલો પાસે કાનૂની સલાહ લીધી હોવાનું પણ સૂત્રો પાસેથી જાણવા મળ્યું છે. અબજોની સંપત્તિ ધરાવતા હિતેશ દેસાઈએ આપઘાત કર્યા પછી તેની રાજાશાહી લાઇફ સ્ટાઇલ પર લોકોનું ધ્યાન ગયું છે.

સુરતઃ ચકચારી હિતેશ દેસાઇ આપઘાત કેસમાં પોલીસે તેની મિત્ર જ્યોતિ સોલંકીને સમન્સ પાઠવ્યું છે. હાલ, જ્યોતિ તેના ઘરેથી ફરાર થઈ ગઈ છે, ત્યારે પોલીસે તેના ઘરની બહાર જ નોટિસ લગાવી દીધી છે. સૂત્રો પાસેથી જાણવા મળ્યું છે કે, ફરાર થઈ ગયેલી જ્યોતિના મોબાઈલ લોકેશન શોધવા માટે ચક્રો ગતિમાન કરાયા છે. તેની બહેનપણીને પણ ફરી વધુ વિગતો માટે બોલાવાય તેવી શક્યતા દર્શાવાઇ છે.

હિતેશ રબારીના આપઘાત કેસમાં 12 દિવસ પછી પણ પોલીસના હાથમાં ખાસ કંઈ લાગ્યું નથી. જ્યોતિના ફ્લેટના બંધ દરવાજા પર હાલ પોલીસે નોટિસ ચોંટાડી કામગીરી પૂર્ણ કર્યાનો અહેસાસ માન્યો હોય તેવું લાગી રહ્યું છે.

હિતેશ અઠવાડિયામાં ચાર દિવસ મુંબઈમાં ફિલ્મસ્ટાર સાથે ફરતો હતો. એટલું જ નહીં કહેવાય છે કે, તેણે ફિલ્મ ઇન્ડસ્ટ્રીમાં રૂ. 200 કરોડનું રોકાણ કર્યું હતું. જ્યારે સલમાન ખાન સુરત આવ્યો ત્યારે જ્યોતિ પણ હિતેશ સાથે હતી અને સલામાન ખાન સાથે હોટલમાં તસવીર લીધી હતી. જે તસવીર બહાર આવી છે.

આ જ્યોતિ સોલંકીની સલમાન ખાન સાથેની તસવીર સામે આવી છે. જે તસવીર હિતેશે જે તે સમયે સલમાન ખાન સાથે તસવીર લીધી હતી તે દરમિયાનની હોવાનું જાણવા મળ્યું છે. જેથી જ્યોતિની સલમાન ખાન સાથે હિતેશે જ કરાવી હોવાનું માનવામાં આવી રહ્યું છે.