5G-Connected Ambulance: હવે જલદી રસ્તાંઓ પર 5G એમ્બ્યૂલન્સ દોડતી દેખાશે. 5G એમ્બ્યૂલન્સ (5G-Connected Ambulance) સામાન્ય એમ્બ્યૂલન્સ બિલકુલ અલગ હશે. આમાં આધુનિક ફિચર્સ દર્દીઓના જીવ બચાવવમાં મદદરૂપ સાબિત થશે. આ એમ્બ્યૂલન્સ દર્દીની પુરેપુરી જાણકારી અને તેની સ્થિતિ વિશે ડૉક્ટરો સુધી પુરેપુરી માહિતી પહોંચાડતી રહેશે. આ અત્યાધુનિક 5G કનેક્ટેડ એમ્બ્યૂલન્સ (5G-Connected Ambulance) માં હાઇટેક ઉપકરણો લાગેલા હશે, આમાં પેશન્ટ મૉનિટરિંગ એપ્લિકેશન્સ અને ટેલિમેટ્રી ઉપકરણો લાગેલા હશે. આમાં દર્દીઓની હેલ્થનુ રિયલટાઇમ ડેટા હૉસ્પીટલ સુધી પહોંચતો રહેશે.
રિલાયન્સ જિયોએ(Reliance Jio) ઇન્ડિયન મોબાઇલ કોંગ્રેસમાં(Indian Mobile Congress) 5G કનેક્ટેડ એમ્બ્યુલન્સ(5G connected ambulance) રજૂ કરી છે. આ એક એવી એમ્બ્યુલન્સ છે જે ડિજિટલ(Digital) રીતે દર્દીની તમામ મહત્વપૂર્ણ માહિતીને વાસ્તવિક સમયમાં હોસ્પિટલ સુધી પહોંચાડશે અને તે પણ દર્દીના આગમન પહેલા. તબીબી કટોકટીના કિસ્સામાં, હોસ્પિટલમાં હાજર ડોકટરો દર્દીના આગમન પહેલા જ તમામ જરૂરી વ્યવસ્થા કરી શકે છે. આ એમ્બ્યુલન્સ જોઈને ભવિષ્યમાં મેડિકલ ઈન્ડસ્ટ્રીનો(medical industry) ચહેરો કેટલો બદલાઈ જશે તેનો અંદાજ તમે લગાવી શકો છો.
કેવી હશે 5જી કનેક્ટેડ એમ્બ્લૂયન્સ -
જિઓના પેવેલિયનમાં(Pavilion) એક રોબોટિક આર્મ પણ જોવા મળશે, જે એક્સ-રે અને અલ્ટ્રાસાઉન્ડ(X-ray and ultrasound) કરવામાં નિષ્ણાત છે. ખરેખર, Jio True 5G દ્વારા સેંકડો માઇલ દૂર બેઠેલા રેડિયોલોજિસ્ટ(Radiologist) અથવા સોનોગ્રાફર(Sonographer) તેને સરળતાથી ચલાવી શકે છે. આ રોબોટિક આર્મ શહેરમાં બેઠેલા રેડિયોલોજિસ્ટને ગ્રામીણ દર્દીઓ સાથે સીધા જોડી દેશે. હવે ગ્રામજનોએ એક્સ-રે અને અલ્ટ્રાસાઉન્ડ જેવી પ્રાથમિક તબીબી જરૂરિયાતો માટે શહેરમાં કે શહેરની આસપાસ ભટકવું નહીં પડે અને રિપોર્ટ પણ ઘરે બેઠા મળી શકશે.
રિલાયન્સ દિવાળી પર 5G સેવા શરૂ કરી રહ્યું છે. તેના ટ્રુ 5G નેટવર્કની હાઇ સ્પીડ અને ઓછી લેટન્સીના કારણે રિલાયન્સ જિયો રોજિંદા જીવન માટે સંખ્યાબંધ ટેકનોલોજીકલ સોલ્યુશન્સ ઉપર પણ કામ કરી રહ્યું છે. આમાંની એક ટેકનોલોજી છે Jio 5G હેલ્થકેર ઓટોમેશન.
કોવિડ મહામારી દરમિયાન હોસ્પિટલોના આઇસોલેશન વોર્ડમાં ઘણા ફ્રન્ટલાઈન કર્મચારીઓએ પોતાનો જીવ ગુમાવ્યો હતો. રિલાયન્સ જિયો આવા 5G નિયંત્રિત રોબોટ્સની ટેક્નોલોજી પર કામ કરી રહ્યું છે જે આઈસોલેશન વોર્ડ તેમજ અન્ય દર્દીઓને દવાઓ અને ભોજન પહોંચાડવામાં સક્ષમ હશે.
ક્લાઉડ આધારિત 5G નિયંત્રિત રોબોટ્સના ઉપયોગને કારણે ભૂલની શક્યતા નહિવત્ હશે. તેમની જાળવણી અને સેનિટાઈઝેશન પણ રોબોટિક ફ્લીટ મેનેજમેન્ટ સિસ્ટમ સાથે માણસો કરતાં વધુ સરળ બનશે અને સૌથી અગત્યનું, હજારો ફ્રન્ટલાઈન કર્મચારીઓ અને દર્દીઓના જીવન બચાવી શકાશે.