વડોદરા: લગ્નમાં DJના તાલે ઝૂમી રહેલ યુવકનું અચાનક થયું મોત, લોકોના થયા ટોળાં

લગ્ન પૂર્વેની ડાન્સ-ગરબાની પાર્ટીમાં આશાસ્પદ વિજય ઉર્ફ રણજીત પગીનું ડાન્સ કરતી વખતે મોત નીપજતાં લગ્નનો ઉત્સાહ ગમગીનીમાં ફેરવાઇ ગયો હતો. આ ઘટના વાયુવેગે પ્રસરી જતાં ચકચાર મચી ગઇ હતી. અને ફળિયાના લોકો એકઠા થઇ ગયા હતા.

ગુજરાતી ગીતોના તાલે મનમૂકીને ડાન્સ કરી રહેલ યુવાન વિજય ઉર્ફ રણજીત પગીને પોતાની તબિયત બગડતાં તેને પોતાના ખભા ઉપર બેસાડેલ યુવાનને નીચે ઉતારી દીધો હતો. ખભા ઉપર બેસાડેલ યુવાનને નીચે ઉતારતાની સાથે જ વિજય ઉર્ફ રણજીત પગી સ્થળ પર ઢળી પડ્યો હતો. વિજય બેહોશ થતાંની સાથે જ ડાન્સ કરી રહેલા અન્ય યુવાનો તેને બાજુમાં લઈ ગયા હતા અને સારવાર માટે તેને હોસ્પિટલમાં લઈ જવાની તૈયારી શરી કરાઈ હતી. જોકે વિજયને હોસ્પિટલમાં લઈ જવાય તે પહેલાં મોતને ભેટ્યો હતો.

બુધવારે રાત્રે આયોજીત ગરબાના કાર્યક્રમમાં ફળિયામાં યુવતીના પરિવારજનો તેમજ ફળિયામાં રહેતો વિજય ઉર્ફ રણજીત પગી નામનો યુવાન સહિત અન્ય 3 યુવાનો પોતાના ખભા ઉપર અન્ય યુવાનોને બેસાડીને ગુજરાતી ગીતોના તાલે ડાન્સ કરી રહ્યા હતા.

વડોદરાના નજીકર આવેલ રણોલી ગામના જયંત એગ્રો કંપની સામે આવેલા મહાદેવ મંદિર ફળિયામાં ગુરૂવારે યુવતીનાં લગ્ન હતાં. ગામમાં જાન આવવાની હતી જોકે યુવતીના ઘર આંગણે બે દિવસથી પીઠી, મંડપ મુહૂર્ત, ગ્રહશાંતિ સાથે લગ્નની વિધી શરૂ થઈ ગઈ હતી. જ્યારે બુધવારે રાત્રે યુવતીના ઘર આંગણે જ ડી.જે.ના તાલે ગરબાનો કાર્યક્રમ રાખવામાં આવ્યો હતો.

વડોદરાઃ વડોદરા નજીક આવેલા રણોલી ગામની દીકરીના લગ્નની પૂર્વ રાત્રે ડી.જે.ના તાલે ગરબાનો કાર્યક્રમ યોજવામાં આવ્યો હતો. આ કાર્યક્રમમાં ડી.જે.ના સંગીત ઉપર ડાન્સ કરી રહેલા ગામના આશાસ્પદ યુવાનને હાર્ટ એટેક આવતા સ્થળ પર જ મોત નીપજ્યું હતું. આ ગામમાં ગમગીની ફેલાવી દેનારી આ કરૂણ ઘટના વીડિયોમાં કેદ થયો હતો. ઉલ્લેખનિય છે કે આ પહેલાં પણ રણોલી ગામના વરરાજાની જાન બોરસદ ગઈ હતી. જ્યાં તેનું બેન્ડવાજાના તાલે ડાન્સ કરતા હાર્ટ એટેક આવતાં મોત નીપજ્યું હતું.