Hun To Bolish | હું તો બોલીશ | નેતાગીરીનો નશો?

ત્રણ દિવસ પહેલા જામનગરની PGVCL કચેરીએ કૉંગ્રેસના મહિલા કોર્પોરેટર રચના નંદાણીયા હાથમાં દંડો લઈને પહોંચ્યા અને અધિકારીઓને ધમકાવ્યા. વોર્ડ નંબર 4ના કૉંગ્રેસ કોર્પોરેટર રચના નંદાણિયાએ પોતાના ઘરે સોલર પેનલ નખાવી છે. તેમ છતાં 8 હજાર રૂપિયા બિલ આવ્યું..જેથી રોષે ભરાયેલા રચના નંદાણિયા PGVCLની કચેરી પહોંચ્યા અને નાયબ ઈજનેરની ચેમ્બરમાં બેફામ વાણીવિલાસ કર્યો. હાથમાં દંડો લઈ તેમણે અધિકારીને રીતસર ખખડાવ્યા...એટલુ જ નહીં. આખી ઓફિસને માથે લીધી. રચના નંદાણિયાએ આરોપ લગાવ્યો અધિકારીઓ મારા સાથે કિન્નાખોરી રાખે છે.

આખરે PGVCLના અધિકારીઓએ પોલીસને જાણ કરતા રચના નંદાણિયાને પોલીસ સ્ટેશન લઈ ગઈ. PGVCLના નાયબ ઈજનેર અજય પરમારે કોર્પોરેટર વિરુદ્ધ ફરિયાદ નોંધાવી.. પોલીસે ફરિયાદી અધિકારીનો ફોન લૂંટ કરી તેમાં નુકશાન કરવા ઉપરાંત ફરજમાં રૂકાવટ. જાનથી મારી નાખવાની ધમકી અને અધિકારીને જાતિ પ્રત્યે અપમાનિત કરવા સહિતની કલમો હેઠળ ગુન્હો દાખલ કર્યો છે

અમદાવાદ મહાનગરપાલિકાના TDOએ સ્ટેન્ડિંગ કમિટીના ચેરમેન અને બે કોર્પોરેટરના ત્રાસથી કંટાળી રાજીનામું આપી દીધું. મધ્ય ઝોનમાં ટાઉન ડેવલપમેન્ટ ઓફિસર તરીકે ફરજ બજાવતા પુરુષોત્તમ સોલંકીએ મ્યુનિસિપલ કમિશ્નરને પત્ર લખી રાજીનામું આપ્યું. પુરુષોત્તમ સોલંકીએ રાજીનામાના પત્રમાં સ્ટેન્ડિંગ કમિટીના ચેરમેન દેવાંગ દાણી. ખાડિયા વોર્ડના કોર્પોરેટર પંકજ ભટ્ટ, ઉમંગ નાયકના નામનો ઉલ્લેખ કર્યો. અને આરોપ લગાવ્યો કે, દબાણો હટાવ્યા બાદ જપ્ત કરેલી લારીઓ છોડાવવા બંને કોર્પોરેટર દબાણ કરે છે. સ્ટેન્ડિંગ કમિટીના ચેરમેન દેવાંગ દાણી તો ટોર્ચર કરી શિક્ષાત્મક પગલાં લેવાની ધમકી આપે છે. પૂર્વ કોર્પોરેટર મયુર દવે પણ લારીઓ છોડવા દબાણ કરતા હોવાનો આરોપ લગાવ્યો. તો બીજી તરફ પૂર્વ કોર્પોરેટર મયુર દવે અને કોર્પોરેટર પંકજ ભટ્ટનું કહેવું છે કે, તેઓ ક્યારેય પુરુષોત્તમ સોલંકીને મળ્યા નથી. જો લારીઓ છોડાવવા દબાણ કર્યું હોય તેના પુરાવા રજૂ કરે....