Red Alert in Ahmedabad: 5 દિવસ રેડ એલર્ટની આગાહી, તંત્રએ લોકોને કરી આ ખાસ અપીલ

અમદાવાદમાં આજથી પાંચ દિવસ ગરમીને લઈને રેડ એલર્ટ જાહેર કરવામાં આવ્યુંછે. અમદાવાદનું મહત્તમતાપમાન 45 ડિગ્રી સેલ્સિયલ સુધી પહોંચવાની આગાહી કરવામાં આવી છે. રેડ એલર્ટને પગલે અમદાવાદ મહાનગર પાલિકાએ પાંચ દિવસ સુધી તમામ કન્સ્ટ્રક્શન સાઈટ ઉપર બપોરે બારથી ચાર વાગ્યા સુધી કામ બંધ રાખવાની તાકીદ કરી છે. તો બીજી તરફ મે મહિનાની શરૂઆતથી 19 મે સુધીમાં અમદાવાદ શહેરમાં ગરમી સંબંધિત બિમારીના પાંચ હજાર જેટલા કેસ નોંધાયા છે. રેડ એલર્ટ દરમિયાન બપોરે લોકોને કામ સિવાય ઘરની બહાર ન નીકળવા માટે અપીલ કરવામાં આવી છે.. ત્રણ લાખથી વધુ લોકોને વોટ્સએપથી મહાનગર પાલિકા તરફથી એલર્ટના મેસેજ પણ મોકલી લેવામાં આવ્યા છે.. દરેક વોર્ડમાં આવેલા સ્લમ વિસ્તાર, કડિયાનાકા તેમજ ભીડભાડવાળી જગ્યાઓ પર લોકોને ગરમીને લઈને જાગૃત કરવા માટે જાહેરાતો પણ કરવામાં આવી રહી છે. તમામ અર્બન હેલ્થ સેન્ટર સાંજે સાત વાગ્યા સુધી ખુલ્લા રાખવા સૂચના આપીદેવામાં આવી છે. મહાનગર પાલિકામાં બપોરની પાળીમાં ફરજ બજાવતા સફાઈ કામદારોનીકામગીરીનો સમય બપોરનાત્રણ વાગ્યાને બદલે સાંજે સાડા ચાર વાગ્યાનો કરી દેવામાં આવ્યો છે. તમામ ગાર્ડન રાત્રિના 11 વાગ્યા સુધી ખુલ્લા રાખવાની સૂચના આપી દેવામાં આવી છે. તમામ અર્બન હેલ્થ સેન્ટર,એએમટીએસ, બીઆરટીએસ બસ સ્ટો પર ઓઆરએસના પેકેજ તેમજ પીવાના પાણીની વ્યવસ્થા વ્યવસ્થા કરવામાંઆવી છે. શહેર ટ્રાફિક પોલીસને પણ ઓઆરએસના પેકેટ આપવામાં આવ્યા છે.. 19 મે સુધીમાં શહેરમાંથી ગરમી સંબંધિત બિમારીના 108માં કુલ ચાર હજાર 710 તેમજ મહાનગર પાલિકા સંચાલિત હોસ્પિટલમાં 227 દર્દીને સારવાર આપવામાં આવી. બપોરે એક વાગ્યાથી ચાર કલાક સુધી જે તેવોર્ડ વિસ્તારમિાં પાણીની પરબ ચાલુ રહે તે માટેની જવાબદારી વોર્ડ કક્ષાએ ફરજ બજાવતા આસિસ્ટન્ટ મ્યુનિસિપલ કમિશનરને સોંપવામાં આવી છે..