Ahmedabad Accident: નશામાં ધૂત કાર ડ્રાઈવરને બે લોકોને ઉડાવ્યા બાદ નથી કોઈ અફસોસ
અમદાવાદમાં નશામાં ધૂત થઇને બેફામ રફ્તાર થકી નિર્દોષ લોકોનો જીવ લેનારા નશેડીઓને જાણે પોલીસ કે કાયદાનો કોઇ ડર ન હોય તેમ એક પછી એક અકસ્માત સર્જી રહ્યા છે. અમદાવાદના નરોડા-દહેગામ રોડ પર એક કારના ચાલકે ચિક્કાર દારૂ પીધેલી હાલતમાં બેફામ ડ્રાઈવિંગ કરી અકસ્માત સર્જતા બે નિર્દોષ યુવકોના જીવ ગયા છે. અકસ્માતના રૂંવાડા ઉભા કરી દેતા દ્રશ્યો સીસીટીવી કેમેરામાં કેદ થયા છે.
સીસીટીવીમાં જોવા મળે છે કે કારચાલક એટલી સ્પીડમાં હતો કે, ડિવાઈડરની જગ્યા પર મૂકેલા પથ્થરો કૂદી કાર હવામાં ફંગોળાઈ હતી અને સામેની બાજુએ આવી રહેલા એક્ટિવાને ટક્કર મારી. જેમાં 26 વર્ષીય અમિત રાઠોડ અને 27 વર્ષીય વિશાલ રાઠોડ બે યુવકોના ઘટનાસ્થળે જ મોત નિપજ્યા હતા. કારચાલકનું નામ મિતેષ ઉર્ફે ગોપાલ પટેલ હોવાનું સામે આવ્યું છે.
Ahmedabad Accident: નશામાં ધૂત કાર ડ્રાઈવરને બે લોકોને ઉડાવ્યા બાદ નથી કોઈ અફસોસ