Gold Price | સોનાના ભાવમાં સતત વધારો, આજે અમદાવાદમાં કેટલે પહોંચ્યો ભાવ?

Gold Silver Rate Today: ભારતીય સરાફા બજારમાં આજે, 4 ઓક્ટોબર, 2024ની સવારે સોના અને ચાંદીના ભાવમાં વધારો જોવા મળ્યો છે. સોનું હવે 76 હજાર રૂપિયા પ્રતિ 10 ગ્રામને પાર છે, જ્યારે ચાંદીનો ભાવ 92 હજાર રૂપિયા પ્રતિ કિલોથી વધુ છે. રાષ્ટ્રીય સ્તરે 999 શુદ્ધતાવાળા 24 કેરેટ 10 ગ્રામ સોનાની કિંમત 76,082 રૂપિયા છે. જ્યારે 999 શુદ્ધતાવાળી ચાંદીની (Silver) કિંમત 92,286 રૂપિયા છે. ઇન્ડિયા બુલિયન એન્ડ જ્વેલર્સ એસોસિએશન (India Bullion And Jewellers Association) અનુસાર, ગુરુવારે સાંજે 24 કેરેટનું શુદ્ધ સોનું 75,615 રૂપિયા પ્રતિ 10 ગ્રામ હતું, જે આજે (શુક્રવાર) સવારે વધીને 76,082 રૂપિયા થઈ ગયું છે. આ જ રીતે શુદ્ધતાના આધારે સોના અને ચાંદીના ભાવમાં ઉછાળો આવ્યો છે.

આજે 22 કેરેટ સોનાના ભાવ

સત્તાવાર વેબસાઇટ ibjarates.com અનુસાર, આજે 995 શુદ્ધતાવાળા સોનાની કિંમત 75,777 રૂપિયા પ્રતિ 10 ગ્રામ છે. જ્યારે 916 (22 કેરેટ) શુદ્ધતાવાળા સોનાની કિંમત 69,691 રૂપિયા પ્રતિ 10 ગ્રામ છે. 750 (18 કેરેટ) શુદ્ધતાવાળા સોનાનો ભાવ 57,062 રૂપિયા પ્રતિ 10 ગ્રામ છે. જ્યારે 585 (14 કેરેટ) શુદ્ધતાવાળા સોનાનો ભાવ 44,508 રૂપિયા પ્રતિ 10 ગ્રામ છે.