છોટાઉદેપુરમાં ધોધમાર વરસાદના કારણે ઓરસંગ નદી બે કાંઠે, જુઓ વીડિયો

છોટાઉદેપુર જિલ્લાની જીવાદોરી સમાન ઓરસંગ નદી મૌસમમાં પહેલી વાર બે કાંઠે વહેતી થઈ છે. ગતરાત્રી એ છોટાઉદેપુર જિલ્લામાં ધોધમાર વરસાદ વરસતા તેમજ ઉપરવાસ મધ્યપ્રદેશમાં પણ વરસાદ વરસવાના કારણે ઓરસંગ નદી માં નવા નીર આવ્યા છે. છોટાઉદેપુર નગર નજીક નવ નિર્મિત ચેકડેમ પણ ઓવરફ્લો થયો છે. છેલ્લા ચોવીસ કલાકમાં છોટાઉદેપુર અને પાવીજેતપુર તાલુકામાં સવા સવા ઈંચ જેટલો વરસાદ ખાબકી ચૂક્યો છે. આમ જિલ્લામાં સાર્વત્રિક વરસાદ તેમજ નદીઓ વહેતી થતાં ખેડૂતોમાં ખુશી ની લાગણી પ્રવર્તી રહી છે.