વલસાડમાં બોગસ NOC બનાવી નોકરી મેળવી, પોલીસે બેની કરી ધરપકડ

વલસાડ ગ્રામ્ય પોલીસે સરકારી ખાતાની નકલી સહી સિક્કા દ્વારા એનઓસી સર્ટિફિકેટ બનાવતી ગેંગને ઝડપી પાડી છે. ઘટનાની વિગતે વાત કરીએ તો વલસાડ ગ્રામ્ય પોલીસ એક લૂંટના આરોપીની સઘન તપાસ કરતા બહાર આવ્યું હતું કે આરોપી વલસાડ જિલ્લામાં અગાઉ કંપનીમાં નોકરી કરતો હતો.. જોકે અગાઉ પણ મોટા ગુના આચરનાર આ ઈસમને પોલીસ વેરિફિકેશન વગર કોઈ કંપનીએ કઈ રીતે નોકરીમાં લીધો તે મામલે વલસાડ ગ્રામ્ય પોલીસે વધુ તપાસ કરી હતી. આ મામલે વલસાડ ગામે પોલીસે બે આરોપીની ધરપકડ કરી લીધી છે.