વાસણભાઇ બહારના નેતાઓની જરૂર નથી, પક્ષના કાર્યકરો પર ભરોસો રાખોઃ સીઆર પાટીલ

સ્થાનિક સ્વરાજની ચૂંટણી જાહેર થતાં જ પોતાના પક્ષનું પલ્લુ ભારે કરવાની લહાયમાં ભાજપના કાર્યકર્તાઓનો મત જાણ્યા વિના જ આડેધડ કૉંગ્રેસના નેતાઓને પક્ષમાં સામેલ કરનારા નેતાઓને વધુ એકવાર સી. આર. પાટીલે શીખામણ આપી છે. ગુરુવારે કચ્છમાં આયોજીત કાર્યક્રમમાં સરકારના મંત્રી વાસણ આહીરને સીધુ સંભળાવ્યું હતું. એક કૉંગ્રેસના કાર્યકર્તા ભાજપમાં સામેલ થઈ રહ્યા છે તેવી મોટા ઉપાડે જાહેરાત કરી. તો પાટીલે સ્પષ્ટ કરી દીધું કે બહારના નહીં પક્ષના કાર્યકરો પર ભરોસો રાખવાનું કહી દેતા વાસણભાઈ ભોંઠા પડયા હતા.