કેશુભાઇ પટેલના નિધન પર કોગ્રેસ નેતા હાર્દિક પટેલે દુખ સાથે શું કહ્યુ?

ગુજરાતના પૂર્વ મુખ્યમંત્રી કેશુભાઈ પટેલનું 92 વર્ષની વયે નિધન થયું છે. તેમને હાર્ટ અટેક આવતાં સ્ટર્લિંગ હોસ્પિટલમાં ખસેડવામાં આવ્યા હતા. જ્યાં તેમનું સારવાર દરમિયાન નિધન થયું છે. કેશુભાઈ પટેલને ફેફસા અને હૃદયની બીમારીના પગલે ખાનગી હોસ્પિટલમાં ખસેડવામાં આવ્યા હતા. કોગ્રેસ નેતા હાર્દિક પટેલે કેશુભાઇ પટેલના નિધન પર દુખ વ્યક્ત કર્યું હતું. કોંગ્રેસના કાર્યકારી પ્રમુખ હાર્દિક પટેલે કહ્યું કે, મે મારા માર્ગદર્શક ગુમાવ્યા છે. સમાજ અને ગુજરાત માટે મોટી ખોટ પડશે. ભગવાન કેશુભાઈની આત્માને શાંતિ અર્પે. કેશુભાઇ પટેલે ખેડૂતો માટે ખૂબ કામ કર્યું છે. કેશુભાઇએ કહ્યું હતું ગુજરાતનો ખેડૂત જ્યાં સુધી સુખી ના થાય ત્યાં સુધી લાગ્યો રહેજે.