હું તો બોલીશઃ કોઇ પણ કહી જાય કે મેં રૂપિયા લીધા તો હું જાહેરજીવન છોડી દઇશઃ કગથરા

ગુજરાત વિધાનસભા પેટા ચૂંટણી (Gujarat assembly bypoll) અગાઉ મોરબી જિલ્લા પંચાયતના પ્રમુખ કિશોર ચીખલિયા ભાજપમાં જોડાયા હતા. કિશોર ચીખલિયાએ હાર્દિક પટેલ અને લલિત કગથરા પર આર્થિક વ્યવહાર કર્યો હોવાનો ગંભીર આરોપ લગાવ્યો હતો. સાથે તેમણે કૉંગ્રેસમાં રૂપિયાથી ટિકિટનો વહીવટ થતો હોવાનો પણ આરોપ લગાવ્યો હતો. આ મામલે કોગ્રેસના ધારાસભ્ય લલિત કગથરાએ (Congress MLA Lalit Kagathara) કહ્યું હતું કે, કોઇ પણ કહી જાય કે મેં રૂપિયા લીધા તો હું જાહેરજીવન છોડી દઇશ. કિશોર ચીખલિયા સામે એસીબીની ફરિયાદ થયેલી છે. કિશોર ચીખલિયાના આરોપો પાયાવિહોણા છે.