2022ની વિધાનસભા ચૂંટણી ક્યાંથી લડવાની નીતિન પટેલે કરી જાહેરાત?

ગુજરાત સરકારના નવા મંત્રીઓને ખાતાઓની ફાળવણી કરી દેવામાં આવી છે. મુખ્યમંત્રી નહી બનાવાતા પૂર્વ નાયબ મુખ્યમંત્રી નીતિન પટેલ નારાજ હોવાની અટકળો ચાલી રહી હતી પરંતુ તેઓ નવા મંત્રીઓની શપથવિધિમાં હાજર રહ્યા હતા. એબીપી અસ્મિતા સાથેની વાતચીતમાં નીતિન પટેલે કહ્યું કે, હું 2022ની ચૂંટણી મહેસાણાથી લડીશ.તેમણે જણાવ્યું હતું કે, હું 40 વર્ષથી રાજનીતિમાં સક્રિય છું. લોકો હોદ્દાને માન આપે છે, પણ આ લોકચાહના મારી વર્ષોની મહેનત છે. મેં નિષ્ઠા પૂર્વક કામગીરી કરી છે. હું 20 વર્ષ મંત્રી રહ્યો, વિધાનસભામાં પણ સક્રિય રહ્યો. 

નીતિન પટેલે કહ્યું કે ચૂંટણી લડવી એ નક્કી મારે કરવાનું છે. ટિકિટ આપવી કે મંત્રી બનાવવાનું કામ પક્ષે નક્કી કરવાનું છે. 2022ની ચૂંટણી હું મહેસાણાથી લડીશ.