ગોંડલના બજારમાં બંધની અસર નહિવત, મોટાભાગની દુકાનો ખુલ્લી જોવા મળી

આજે ભારત બંધનુ એલાન છે ત્યારે ગોંડલ માર્કેટિંગ યાર્ડ બંધ છે જોકે બીજી તરફ ગોંડલ શહેરમાં માર્કેટિંગ યાર્ડ કરતા વિપરીત દ્રશ્યો જોવા મળ્યા. ગોંડલ શહેરની મોટાભાગની દુકાનો આજે ખુલ્લી જોવા મળી હતી. શહેરની નાની બજાર મોટી બજાર જેતપુર રોડ બસ સ્ટેશન વિસ્તાર સહિતના વિસ્તારોમાં આવેલી દુકાનો રાબેતા મુજબ ખુલ્લી હતી. લોકો પણ બજારમાં ખરીદી કરતા જોવા મળ્યા હતા.  ત્યારે શહેરમાં સુરક્ષા વ્યવસ્થાને લઈને પોલીસ તંત્ર પણ એલર્ટ હતું. ખુદ જિલ્લા પોલીસ વડા આજે ગોંડલ આવી પહોચ્યા હતા. જિલ્લા પોલીસ વડા દ્વારા શહેરના અલગ અલગ વિસ્તારોમાં સુરક્ષા વ્યવસ્થાની સમીક્ષા કરાઇ હતી.