Vadodara Liquor Party | વડોદરામાં PCR Vanમાં દારૂની મહેફિલ, હેડ કોન્સ્ટેબલની ધરપકડ

Vadodara Liquor Party | વડોદરા શહેરમાં વીતેલા બે સપ્તાહમાં જ બે કરોડ ઉપરાંતનો દારૂનો જથ્થો ઝડપાયો છે શહેર પોલીસ દ્વારા ઠેક ઠેકાણે છાપાઓ મારી દારૂનો જથ્થો ઝડપી ચુસ્તપણે દારૂબંધીનો અમલ કરાવવા કટિબદ્ધ બની છે ત્યારે જેપી રોડ પોલીસ મથક પોલીસમથક વિસ્તારમાં સી ટીમ ની પીસીઆર વાનના હેડ કોન્સ્ટેબલ ડ્રાઇવર નવદીપસિંહ સરવૈયા અને તેમના બે મિત્રો વાનમાં બેસીને જ મુજમહુડા વિસ્તારમાં દારૂની મહેફીલ માણી રહ્યા હતા ત્યારે જાગૃત નાગરિકે આ અંગેની જાણ પોલીસ કંટ્રોલ રૂમમાં કરી હતી, કંટ્રોલ રૂમ ની વર્ધી મળતા જ જેપી પોલીસે પીસીઆર વાન નંબર GJ 06 GA 3259 ને પોલીસ મથકે લાવી હેડ કોન્સ્ટેબલ નવદિપસિંહ સરવૈયા તેમજ તેમના બે મિત્રોની સાકીર મણિયાર અને માલવ કહારની નશાની હાલતમાં ધરપકડ કરી તેમના બ્લડ સેમ્પલ પણ લેવામાં આવ્યા હતા સામાન્ય નાગરિક જ્યારે દારૂ પીતા ઝડપાય ત્યારે પોલીસ સ્થળ પર પહોંચીને દારૂની બોટલ સહિતનો મુદ્દામાલ જપ્ત કરતી હોય છે પરંતુ જ્યારે પોલીસ કર્મચારી દારૂ પીધેલી હાલત હોવાની વર્ધી મળી તેમ છતાં પોલીસ સ્થળ પર પહોંચવાની જગ્યાએ પીસીઆર વાનને પોલીસ મથકે બોલાવી લેતા પોલીસની કામગીરી શંકાના ઘેરામાં આવી હતી, સમગ્ર પ્રકરણ મામલે એ.સી.પી એ કાયદેસર કાર્યવાહી હાથ ધરી હોવાનું જણાવ્યું હતું.