દરમિયાન સહારનપુરના બૂથ પર પોલિંગ ઓફિસર ઈશા અરોરા ચર્ચામાં છે પોતાના ગ્લેમરસ લુક માટે વાયરલ થવા લાગેલી ઈશાએ તેના લુક અને સુંદરતા વિશે ઘણું કહ્યું છે. પોતાના કામ વિશે ઈશાએ કહ્યું, 'આપણને જે પણ કામ મળે, તેને હળવાશથી ન લેવું જોઈએ. 'સોશિયલ મીડિયા પર વાયરલ થઈ રહેલા વિડિયો અને તેના પરની કમેન્ટ્સ અંગે ઈશાએ કહ્યું કે મને બિલકુલ સમય મળ્યો નથી. સતત ચૂંટણીની વ્યસ્તતા હોવાથી મોબાઈલ જોવાનો પણ સમય નથી. વાયરલ અને ફેમસ થવા અંગે ઈશાએ કહ્યું કે હા, સારું લાગે છે. ઈશા અરોરા સ્ટેટ બેંક ઓફ ઈન્ડિયામાં નોકરી કરે છે. તે સહારનપુરની રહેવાસી છે. બીજી વખત તેઓ ચૂંટણી ફરજ પર છે. જ્યારે તે મતદાન સામગ્રી લેવા પહોંચી ત્યારે અન્ય મતદાન અધિકારીઓ પણ તેની સાથે ફોટોગ્રાફ લેતા જોવા મળ્યા હતા. ઈશાની ગ્લેમરસ સ્ટાઈલથી બધા પ્રભાવિત થયા હતા.