શિયાળામાં દરેક ઘરમાં ગાજરનું અથાણું અચુક બને છે

ગાજરનું અથાણું ટેસ્ટી તો હોય જ છે સાથે સાથે તે ભોજનનો સ્વાદ પણ વધારે છે

સૌથી પહેલા ગાજરને બરાબર ધોઈને છોલી લો અને તેને લાંબી પટ્ટીઓમાં કાપી લો.

કાપેલા ગાજરને 2 થી 3 કલાક સુધી તડકામાં સુકવો, જેથી તેમાં રહેલો ભેજ નીકળી જાય.

મેથી દાણાને હળવા શેકીને અધકચરા પીસી લો

ત્યારબાદ તેમાં પીળી રાઈ, હળદર, લાલ મરચું, હિંગ અને મીઠું ઉમેરીને મસાલો તૈયાર કરો.

એક કડાઈમાં સરસવનું તેલ ગરમ કરો. જ્યારે તેલમાંથી ધુમાડો નીકળવા લાગે ત્યારે ગેસ બંધ કરી દો અને તેલને થોડું ઠંડુ થવા દો.

સુકવેલા ગાજરને એક મોટા વાસણમાં લો અને તેમાં તૈયાર કરેલો મસાલો ઉમેરીને બરાબર મિક્સ કરો.

હવે તેમાં ઠંડુ થયેલું તેલ અને વિનેગર ઉમેરીને બરાબર હલાવો. આ રીતે તમારું સ્વાદિષ્ટ ગાજરનું અથાણું તૈયાર થઈ જશે, જે જમવાનો સ્વાદ વધારશે.

અહીં આપવામાં આવેલી માહિતી ફક્ત જાણકારી માટે જ છે, કોઈપણ વસ્તુનો અમલ કરતા પહેલા ડોક્ટરની સલાહ લો