Crime News: તમારી પાસે રહેલો સિક્કો નકલી તો નથી ને ? આ રાજ્યમાં પકડાઈ નકલી સિક્કા બનાવતી ફેક્ટરી

શુક્રવારે મોડી રાત્રે આ કાર્યવાહી કરવામાં આવી હતી. કહેવામાં આવી રહ્યું છે કે આ દરોડા પહેલા પોલીસે દાદરીના રહેવાસી નરેશને દિલ્હી વિસ્તારમાંથી નકલી સિક્કા સાથે પકડ્યો હતો અને કાર્યવાહી કરવામાં આવી હતી.

Delhi Crime News: દિલ્હી પોલીસે ચરખી દાદરીના ઇમલોટા ગામમાં નકલી સિક્કા બનાવવાની ફેક્ટરી પર દરોડો પાડીને પકડી પાડ્યો છે. શુક્રવારે મોડી રાત્રે આ કાર્યવાહી કરવામાં આવી હતી. કહેવામાં આવી રહ્યું છે કે આ દરોડા પહેલા પોલીસે દાદરીના રહેવાસી નરેશને દિલ્હી વિસ્તારમાંથી નકલી સિક્કા સાથે પકડ્યો હતો અને કાર્યવાહી કરવામાં આવી હતી.

સદર પોલીસ સ્ટેશનનું કહેવું છે કે 22મી એપ્રિલે દિલ્હીમાં જ આ અંગે કેસ નોંધવામાં આવ્યો હતો. દિલ્હી પોલીસની સ્પેશિયલ સેલની ટીમે વાટિકામાં ચલાવવામાં આવી રહેલી ફેક્ટરીમાંથી સિક્કા બનાવવાના મશીનો ઝડપી લીધા હતા, જ્યારે અહીંથી ચાર પરપ્રાંતિય કામદારોની પણ ધરપકડ કરવામાં આવી છે. ધરપકડ કરાયેલા કામદારો બિહારના હોવાનું કહેવાય છે.

ઓડિશામાં રહીને ગુજરાતમાં નશાનો કારોબાર ચલાવતા ડ્રગ્સમાફિયા પર ગુજરાત પોલીસની મોટી કાર્યવાહી

ડ્રગ્સમાફિયા પર ગુજરાત પોલીસે  મોટી કાર્યવાહી કરી છે. ગાંજાના આરોપી પાંડી બંધુનો  ઓડિશામાં આલીશાન બંગલો અને બેન્ક એકાઉન્ટ સીઝ કરાયાં છે.સુરત પોલીસ દ્વારા આરોપીઓને ફરતી બાજુથી ઘેરવા કાર્યવાહી કરવામાં આવી રહી છે.પાંડી બંધુઓના એકાઉન્ટમાં પડેલા 26 લાખ રૂપિયા પણ સીઝ કરવામાં આવ્યાં  છે.

ગુજરાતના યુવાનોને નશાના રવાડે ચડાવવાના કાવતરાનો પોલીસે પર્દાફાશ કર્યો છે. ઓડિશામાં રહીને ગુજરાતમાં નશાનો કારોબાર ચલાવતા ડ્રગ્સમાફિયા પર ગુજરાત પોલીસે મોટી કાર્યવાહી કરી છે. ઓડિશાના ગંજામમાં ડ્રગ્સમાક્રિયા પર ગુજરાત પોલીસે સકંજો કસ્યો છે. ગાંજાના મુખ્ય સપ્લાયર અનિલ પાંડી સામે કાર્યવાહી કરીને ગંજામમાં આવેલો તેનો આલીશાન બંગલો સીઝ કરી દીધો છે. અનિલ પાંડીનો ભાઇ સુનીલ હાલ સાબરમતી જેલમાં બંધ છે.

સુરત ક્રાઇમ બ્રાન્ચે STF સાથે મળીને કરી મોટી કાર્યવાહી કરી છે. પોલીસે ઓડિશામાં પાંડી ઉપરાંત અન્ય એક ડ્રગ-સ્મગલરની સંપત્તિ પણ જપ્ત કરી હોવાનું જાણવા મળ્યું છે.અનિલ પાંડી ગુજરાતમાં ડ્રગ્સની દાણચોરીના 11 કેસમાં વોન્ટેડ છે. એમાંથી સાત કેસ સુરતમાં છે, જેમાં વરાછા પોલીસ સ્ટેશનમાં બે કેસ, સુરત રેલવે પોલીસ સ્ટેશન દ્વારા બે કેસ અને લિંબાયત, કતારગામ અને પલાસણા પોલીસ સ્ટેશનમાં એક-એક કેસનો સમાવેશ થાય છે. અમદાવાદ ડીસીબી પોલીસ સ્ટેશનમાં બે NDPS, ગ્રામ્ય રાજકોટના કોટડા સાંગાણી પોલીસ સ્ટેશનમાં એક અને જૂનાગઢના બિલખા પોલીસ સ્ટેશનમાં વધુ એક કેસ દાખલ છે. અનિલ પાંડી પર 3.73 કરોડની કિંમતના 2,127.56 કિગ્રા (21 ટન) વજનના ગાંજાની દાણચોરીનો આરોપ છે.

આ પણ વાંચોઃ