Athiya Shetty અને KL Rahulની લગ્નની તૈયારીઓ શરૂ, વેડિંગ વેન્યૂને લઇને થયો ખુલાસો

અથિયા અને રાહુલના લગ્નનું સ્થળ ફાઈનલ થઇ ગયુ હોવાના સમાચાર મળી બહાર આવ્યા છે

Athiya Shetty And KL Rahul Wedding Venue: બોલિવૂડ એક્ટ્રેસ અથિયા શેટ્ટી અને કેએલ રાહુલના લગ્નને લઈને ઘણા સમયથી ચર્ચાઓ ચાલી રહી હતી. હવે આખરી તૈયારીઓ શરૂ થઈ ગઈ છે. સુનીલ શેટ્ટી પોતાની દીકરીના લગ્ન ધામધૂમથી કરશે. બોલિવૂડના મોટા સ્ટાર્સને બોલાવવાની યોજના છે.

એક રિપોર્ટ અનુસાર, લગ્નનું સ્થળ પણ નક્કી કરવામાં આવ્યું છે. અથિયા અને રાહુલ આલીશાન ફાઈવ સ્ટાર હોટલમાં નહીં પણ શેટ્ટીના ખંડાલા બંગલામાં લગ્ન કરશે. બંનેના પરિવારજનોએ સાથે મળીને આ નિર્ણય લીધો છે. રાહુલ લગ્નની તારીખ તેના શિડ્યુલ પર નિર્ભર રહેશે.

પિંકવિલાના અહેવાલને ટાંકીને કહેવામાં આવ્યું છે કે અથિયા અને રાહુલના લગ્નનું સ્થળ ફાઈનલ થઇ ગયુ હોવાના સમાચાર મળી રહ્યા છે. સૂત્રોના જણાવ્યા અનુસાર, લગ્નની તૈયારીઓ માટે એક જાણીતા લગ્ન આયોજક તેમની ટીમ સાથે ખંડાલામાં હાજર છે.

સુનીલ શેટ્ટી ખંડાલાના બંગલામાં લગ્ન કરશે

સુનીલનો ખંડાલામાં બંગલો છે, જેનું નામ 'જહાન' છે અને તે તેના દિલની ખૂબ નજીક છે. તે 17 વર્ષ પહેલા બનાવવામાં આવ્યું હતું. તે ખૂબ જ વિશાળ વિસ્તારમાં બનેલો છે અને ખૂબ જ વૈભવી છે. બંગલાની આજુબાજુ ઘણી હરિયાળી છે અને અંદર પણ તેને ઘણા છોડથી સજાવવામાં આવ્યો હતો.

એક રિપોર્ટ અનુસાર, લગ્નમાં સામેલ થનારા મહેમાનોને ટૂંક સમયમાં લગ્નની તારીખની જાણકારી આપવામાં આવશે. ઉલ્લેખનીય છે કે અનુષ્કા શર્મા અને વિરાટ કોહલી પછી અથિયા શેટ્ટી અને રાહુલ બોલિવૂડ-ક્રિકેટ જગતના બીજા મોટા લગ્ન કરશે.

આ પણ વાંચોઃ