Shah Rukh Khan Cameo: બોલીવુડના પરફેક્શનિસ્ટ આમિર ખાન (Aamir Khan) હાલ પોતાની આવનારી ફિલ્મ લાલ સિંહ ચઢ્ઢાનું (Laal SIngh Chaddha) પ્રમોશન કરી રહ્યો છે. લાલ સિંહ ચઢ્ઢા 11 ઓગષ્ટે થિયેટર્સમાં રિલીઝ થવા જઈ રહી છે. આ ફિલ્મમાં શાહરુખ ખાન (Shah Rukh Khan) પણ જોવા મળશે. આમિર ખાને ખુદ આ વાતની પુષ્ટી કરી છે કે, ફિલ્મમાં શાહરુખ ખાનનો કેમિયો રોલ હશે. શાહરુખ ખાનનું ફિલ્મ 'લાલ સિંહ ચઢ્ઢા'માં હોવું એ ફેન્સ માટે કોઈ ટ્રીટથી કમ નથી. લાંબા સમય બાદ આ એક્ટર એક સાથે જોવા મળવાના છે. આ દરમિયાન આમિર ખાને એક ઈન્ટરવ્યુંમાં જણાવ્યું કે, તેણે કઈ રીતે શાહરુખને આ રોલ કરવા માટે મનાવ્યો હતો.
લાલ સિંહ ચઢ્ઢા ફિલ્મમાં આમિરની 18 થી 50 વર્ષ સુધીની ઉંમરની સફર બતાવામાં આવી છે. આ ફિલ્મમાં તેની સાથે કરીના કપૂર, મોના સિંહ અને નાગા ચૈતન્ય પણ જોવા મળશે. આમિરે એક ઈન્ટરવ્યુમાં શાહરુખ ખાનના કેમિયો અંગે ખુલાસો કર્યો હતો.
આ રીતે શાહરુખને મનાવ્યો હતોઃ
આમિર ખાને એલેક્સેજેન્ડર સાથેના એક ઈન્ટરવ્યુંમાં જણાવ્યું કે તેણે શાહરુખને કેમિયો માટે કઈ રીતે હા બોલાવી હતી. આમિરે કહ્યું કે, "શાહરુખ દોસ્ત છે અને મેં તેને કહ્યું કે, મને એવો એક્ટર જોઈએ છે જે અમેરિકામાં એલ્વિસ પ્રેસલીએ પ્રજેન્ટ કર્યો હતો અને એવી રીતે કરી શકે. મને ઈન્ડિયાના સૌથી મોટા આઈકોનિક સ્ટારની જરુર હતી. એ માટે હું તમારી પાસે આવ્યું છે. શાહરુખ સ્વીટ છે અને તેણે મને આ રોલ માટે હા પાડી દીધી હતી."