ટીવીની લોકપ્રિયા સીરિયલ 'અનુપમા' થઇ જશે બંધ ? શૉના મેકર્સનું છે કહેવુ, જાણો

બોલીવુડ લાઈફ પોર્ટલના એક અહેવાલમાં સુત્રને ટાંકીને જણાવવામાં આવ્યું છે કે મેકર્સ તેનાથી દુ:ખી નથી પરંતુ ખુશ છે કારણ કે આ બધુ એક યોજના હેઠળ કરવામાં આવ્યું હતું

મુંબઇઃ ટીવીની સૌથી લોકપ્રિય સીરિયલ 'અનુપમા'ને લઇને મીડિયા અને સોશ્યલ મીડિયા પર જુદીજુદી વાતો સામે આવી રહી છે. છેલ્લા કેટલાક સમયથી સમાચારો હતા કે 'અનુપમા' બહુ જલદી બંધ થવા જઇ રહી છે, પરંતુ હવે આ મામલે ખુદ શૉના મેકર્સે મોટો ખુલાસો કર્યો છે. 

Continues below advertisement

ખરેખરમાં, હાલમાં 'અનુપમા' સીરિયલમાં અનુજ અને અનુપમાના લગ્નનો ટ્રેક ચાલી રહ્યો છે, દર્શકોને આ ખુબ પસંદ આવી રહ્યું છે. પરંતુ વનરાજનો ગુસ્સો વધુ છે, અનુજ અને અનુપમાના લગ્નને કોઈ પણ માથાકૂટ વગર એન્જોય કરવા માંગે છે, પરંતુ વનરાજનું અધિપત્ય જોઈને અકળાયા છે. આ કારણે સોશિયલ મીડિયા પર #StopRuiningAnupama હેશટેગ પણ વાયરલ થયો અને શોના મેકર્સને દર્શકો સંદેશો આપવા લાગ્યા કે આ રીતે વનરાજના ગુસ્સા પર ફોકસ કરીને મેકર્સ શો બરબાદ કરી રહ્યા છે. 

હવે આ મામલે શોના મેકર્સનું પણ રિએક્શન આવી ગયું છે. બોલીવુડ લાઈફ પોર્ટલના એક અહેવાલમાં સુત્રને ટાંકીને જણાવવામાં આવ્યું છે કે મેકર્સ તેનાથી દુ:ખી નથી પરંતુ ખુશ છે કારણ કે આ બધુ એક યોજના હેઠળ કરવામાં આવ્યું હતું. કારણ કે મેકર્સ આ પ્રકારના ટ્રેક દ્વારા એવું દેખાડવા માંગતા હતા કે મધ્યમવર્ગના લગ્નમાં બધુ પરફેક્ટ શક્ય હોતું નથી. જે રીતે અન્ય ટીવી સિરીયલોમાં બધુ ભવ્યથી અતિભવ્ય દેખાડવામાં આવે છે તે હકીકતથી ઘણું દૂર હોય છે. 

ખાસ વાત છે કે, હાલમાં સીરિયલમાં જબરદસ્ત ઉથલપાથલ જોવા મળી રહી છે. એક બાજુ જ્યાં અનુપમા અને અનુજના લગ્નનો ટ્રેક  ચાલી રહ્યો છે ત્યાં બીજી બાજુ બાપુજીની તબિયત ખરાબ જોવા મળી રહી છે. વનરાજ પણ બાળકોને અનુજની નજીક જતા જોઈને બળીને ખાખ થઈ ગયેલો બતાવ્યો છે. તો બીજી બાજુ હંમેશા કાવાદાવા કરતી કાવ્યા એકદમ પોઝિટિવ જોવા મળી રહી છે. 

આ પણ વાંચો.........