Covid Monkeypox HIV: હાલ સમગ્ર વિશ્વમાં કોરોના વાયરસની મહામારી જોવા મળ્યા બાદ મંકીપોક્સના (monkeypox) કેસ પણ જોવા મળી રહ્યા છે. આ દરમિયાન એક ચોંકાવનારો કિસ્સો સામે આવ્યો છે. એક વ્યક્તિ જેણે સ્પેનનો પ્રવાસ કર્યો હતો તેનો કોરોના રિપોર્ટ, મંકીપોક્સ રિપોર્ટ અને HIV એડ્સનો રિપોર્ટ પોઝિટીવ આવ્યો છે.
ઈટાલીનો યુવક થયો ત્રણ વાયરસથી સંક્રમિતઃ
સ્પેનનો પ્રવાસ કરીને આવેલા આ ઈટાલીના વ્યક્તિની ઉંમર 36 વર્ષ કહેવાઈ રહી છે. આ યુવક 5 દિવસ સુધી સ્પેનમાં ફર્યો હતો. આ મુસાફરીને થોડા દિવસો વિત્યા પછી યુવકને તાવ, ગળામાં દુખાવો, થાક, માથાનો દુખાવો અને કમરમાં દુઃખાવો વગેરે જેવા લક્ષ્ણો જોવા મળ્યા હતા. ઈટાલીમાં સંશોધકોએ જણાવ્યા મુજબ, આ યુવક એક સાથે મંકીપોક્સ, કોવિડ-19 અને એચઆઈવી પોઝીટીવ હોવાનું જાણવા મળ્યું છે. એક અહેવાલ મુજબ સ્પેનના પ્રવાસ દરમિયાન તેણે કોન્ડોમ વગર એક વ્યક્તિ સાથે સેક્સ પણ કર્યું હતું.
જર્નલ ઓફ ઈન્ફેક્શનમાં પ્રકાશિત કેસ રિપોર્ટ મુજબ લક્ષણો દેખાયાના 3 દિવસ પછી આ ઈટાલિયન યુવક કોરોના વાયરસ પોઝીટીવ હોવાનું જાણવા મળ્યું હતું. આ યુવકને જાન્યુઆરીમાં કોરોના રસીનો ડોઝ અપાયો હતો અને તેના પછી તે કોરોના સંક્રમીત પણ થયો હતો.
કોરોના પોઝિટિવ આવ્યા બદા યુવકના હાથ પર કેટલીક ફોલ્લીઓ દેખાઈ હતી અને પછીના થોડા દિવસોમાં જ તેના આખા શરીરમાં છાલાઓ પડી ગયા. આ પછી તેને સિસિલીના પૂર્વ કિનારે આવેલા શહેર કેટેનિયાની હોસ્પિટલમાં ઈમરજન્સીમાં દાખલ કરવામાં આવ્યો હતો. હૉસ્પિટલ કરાયેલા વિવિધ ટેસ્ટમાં આ યુવક મંકીપોક્સ, કોવિડ-19 અને HIV એમ ત્રણેય વાયરસના રિપોર્ટ પોઝીટીવ આવ્યા હતા.
આ પણ વાંચોઃ
Helmet Cleaning Tips: શું તમારું હેલ્મેટ ગંદુ થઈ ગયું છે ? આ ટિપ્સ અપનાવીને બનાવો નવા જેવું
Gujarat Rains: સાબરમતી નદીમાં પાણી આવતા ઇડરનું સપ્તેશ્વર મંદિરનું ગર્ભગૃહ પાણીમાં ગરકાવ, જુઓ તસવીરો
Gujarat Rains: મહેસાણામાં ધોધમાર વરસાદથી ચારેબાજુ પાણી જ પાણી, જુઓ આ તસવીરો
CBI Raids On RJD Leaders: સીબીઆઈના દરોડાથી BJP પર ભડક્યાં સુનીલ સિંહ, કહી આ વાત