UPના મૈનપુરીમાં ટીચર યુવતી કેમ તમંચો લઈને ફરે છે ? કારણ જાણીને ચોંકી જશો, પોલીસે પણ કારણ જાણ્યા પછી છોડી મૂકી..........

મીડિયાએ આ અંગે તપાસ શરૂ કરી તો જાણવા મળ્યુ કે, તમંચો લઇને ફરનારી યુવતીનુ નામ કરિશ્મા છે, અને તે ન તો ટીચર છે કે ન તો તે તમંચો રાખવાની શોખીન.

UP, ઉત્તરપ્રદેશમાં હાલમાં જ ચૂંટણી પુરી થઇ ગઇ છે, નવી સરકાર બની ગઇ છે, પરંતુ યોગીના રાજમાં યુપીમાંથી એક એવો વીડિયો સામે આવ્યો છે, જેને જોયા બાદ લોકો વિચારમાં પડી રહ્યાં છે. ઉત્તરપ્રદેશના મૈનપુરીમાં મંગળવારે એક યુવતી પોતાના જીન્સમાં તમંચો લઈને ફરતી પકડાઈ હતી. પોતાની સાથે તમંચો રાખવાના મામલામાં યુપી પોલીસે તેને પકડી લીધી, પરંતુ બાદમાં પોલીસે જણાવ્યું કે તે એક ટીચર છે. જો કે તે કઈ સ્કૂલમાં ટીચર છે તેનો જવાબ પોલીસની પાસે નથી. પોલીસે તેને પકડ્યા બાદ છોડી દીધી હતી.

મીડિયાએ આ અંગે તપાસ શરૂ કરી તો જાણવા મળ્યુ કે, તમંચો લઇને ફરનારી યુવતીનુ નામ કરિશ્મા છે, અને તે ન તો ટીચર છે કે ન તો તે તમંચો રાખવાની શોખીન. પરંતુ તે આત્મરક્ષણ માટે પોતાની પાસે તમંચો-રિવોલ્વોર રાખે છે. ખરેખરમાં, કરિશ્માના માતા-પિતાનું નિધન થઈ ગયું છે અને તે ઘરમાં પોતાની બહેનની સાથે રહે છે. તેની પાસે લગભગ એક કરોડની પ્રોપર્ટી છે, અને તેના સંબંધીઓની નજર તેની પ્રૉપર્ટી પર છે. કરિશ્માને શંકા છે કે, તેના પર પ્રૉપર્ટીને લઇને હુમલો થઇ શકે છે.

માહિતી પ્રમાણે, કરિશ્માના પિતા એક પ્રૉપર્ટી ડીલર હતા, અને માતા ગૃહીણી હતી, પરંતુ પરિવાર અને સંબંધીઓમાં પ્રૉપર્ટીનો વિવાદ ખુબ વધી ગયો અને તેના માતા પિતા સતત તણાવમાં રહેતા હતા. બાદમાં વર્ષ 2021માં કરિશ્માની માતાએ પતિને ગોળી મારી દીધી અને ખુદ પણ આત્મહત્યા કરી લીધી હતી. આમ પ્રૉપર્ટીને લઇને આત્મહત્યાની ઘટના ઘટી છે, તેથી કરિશ્મા પર પણ જીવનુ જોખમ છે. આ કારણે કરિશ્મા તમંચો લઇને ફરે છે કેમ કે તેની પણ હત્યા થવાનો ભય સતત રહે છે. 

આ પણ વાંચો......