નવી દિલ્હી: બહુજન સમાજપાર્ટીના સુપ્રીમો માયાવતીના એક ધારાસભ્યને પોતાની પાર્ટી વિરૂદ્ધમાં વિવાદ ઉભો થાય તેવુ નિવદેન આપ્યું છે. રાજસ્થાન વિધાનસભામાં બસપાના ધારાસભ્ય રાજેંદ્ર ગુઢાએ કહ્યું, બહુજન સમાજ પાર્ટીમાં પૈસા લઈને ટિકિટ આપવામાં આવે છે અને જો કોઈ વધારે પૈસા આપે તો પહેલાની ટિકિટ કાપી બીજાને ટિકિટ આપવામાં આવે છે. આ ધારાસભ્યના નિવેદનનો વીડિયો એએનઆઈ ન્યૂઝ એજન્સીએ જાહેર કર્યો છે. રાજેંદ્ર ગુઢા ઉદયપુરવાટીથી બસપાના ધારાસભ્ય છે.


તેમણે પોતાના નિવેદનમાં કહ્યું, અમારી પાર્ટી બહુજન સમાજ પાર્ટીમાં પૈસા લઈને ટિકિટ આપવામાં આવે છે. કોઈ વધારે પૈસા આપે તો પહેલાની ટિકિટ કાપીને બીજાને આપવામા આવે છે. ત્રીજો કોઈ વધારે પૈસા આપે તો બંનેની ટિકિટ કાપી નાખવામાં આવે છે. તેમણે કહ્યું, પૈસાના કારણે ચૂંટણીને અસર થઈ રહી છે. ગરીબ લોકો ચૂંટણી નથી લડી શકતા પાર્ટીઓમાં ટિકિટ માટે પૈસાની લેવડ-દેવડ થાય છે. અમારી પાર્ટીમાં પણ થાય છે.


આ પ્રથમવાર નથી કે જ્યારે બસપા સુપ્રીમો માયાવતીની બહુજન સમાજ પાર્ટી પર પૈસા લઈને ટિકિટ આપવાનો આરોપ લાગ્યો હોય. આ પહેલા પણ ઘણા નેતાઓ બસપા પર પૈસા લઈને ટિકિટ આપવાનો આરોપ લગાવી ચૂક્યા છે.